باشاميل صحي نباتي

ياهلا و مرحبا

من أكثر الوصفات اللي أنسأل عنها : كيف نسوي باشاميل صحي ؟

الباشاميل من اسهل الوصفات اللي نقدر نخليها صحيه حتى ماينشال همها

نقدر أننا نسوي بدائل بس بنفس الطريقه الأصليه : بدل الطحين الابيض بر – بدل الحليب البقري نباتي – بدل الزبده ، ولا شي 😬 مايحتاج بديل للزبده مو لازم هالمكون و بتطلع مثاليه

و بدل الماجي بهاراتك اللي تحبين بس

طريقتي اللي حبيت اشارككم ياها اليوم من أفضل الطرق اللي جربتها ، حتى حبيتها أكثر من اي باشاميل ثاني

و الجميل بالموضوع أنه مكونها الرئيسي هو البطاطس

يعني نكون دخلنا الخضار اكثر بنظامنا الغذائي

نروح للطريقه

المقادير ( و تقدرون تغيرون فيها حسب ذوقكم ) /

  • ١ بطاطس مسلوق و مهروس

  • ١/٤ ك أي نوع حليب

  • بهاراتكم اللي حابين : ملح – فلفل – ريحان – زعتر – ثوم – بابريكا

و تخلط جميع المقادير بالخلاط

عوافي

One thought on “باشاميل صحي نباتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.