كل مايخص العنايه بالبشره + تجربتي بالتخلص من التشققات

Register for your Dream Home with @Zola via oncewed.com

ياأهلا

العنايه بالبشره .. كريمات زيوت مستحضرات .. سوالف البنات المفضله 💆 يالله نسوي شاي اليانسون و نروق سوا و نسولف بالجمال شوي

طبعا من يوم بديت بالعنايه و أنا أحب أجرب كل شي طبيعي ، أي شي صنع في المختبر أشوفه منتج تسويقي بيخرب بشرتنا بعد ماتنركه عشان نصير دايماً نرجع نشتريه < هذا واقع درسته في تخصصي التسويق

فـ كل المنتجات اللي بتشوفوني استخدمتها طبيعيه قدر الامكان

و هي اللي فعلا شفت منها نتيجه حلوه ،، و مانختلف أنه اللي يناسبني غير اللي يناسبك لكن مايمنع تجربين ، هذه قصتنا للعنايه بالبشره ، نقعد نجرب و نجرب و نجرب لين مانلقى المناسب لنا

طبعا اليوم بس بتكلم عن البشره ، الشعر له تدوينه اخرى باذن الله

نبدا بالشاور /

احب اغسل جسمي بالصابون الطبيعي ، مالي شي معين أي صابون طبيعي القاه قدامي اشتريه هو اكثر خيار ارتحت عليه و حسيته ينظف من قلب ، طبعاً ينشف ، لكن الأكيد أني برطب بعد الشاور بمرطب قوي ، كذلك فيه بعض الصوابين فيها خاصيه مرطبه و مضاف لها زيوت للترطيب .. أمثله لبعض المنتجات اللي جربتها و حبيتها :

من ايهيرب ( اضغطوا عالصوره يوديكم لرابط المنتج علطول كود الخصم WLC948 )

J.R. Liggett's, قطع الصابون ذات الطابع القديم، شامبو، جوز الهند وزيت الأرغان، 3.5 أوقية (99 غرام)

صابونه طبيعيه بزيت الارقان و جوز الهند صناعه يدويه ، ريحتها طبيعيه جميله و بسرعه تذوب و تطلع رغوه ، مناسبه للبشره و الشعر و صغيره ، عشان كذا تعتبر خيار ممتاز جدا للسفر توفير مساحه و ماتخافين تتكبكب عليك

 

باثوب سوبري ( يوصلون لكل مكان عن طريق الانستقرام)

عن ايش احكي بالضبط 😩💕💕

جمال الشكل الابداعي ، و لا ريحتها ، و لا مكوناتها ، و لا ترطيبها ، و لا جودتها 💕

من أجمل الصوابين اللي طلبتها ، ريحتها تجنن ، و مكوناتها حلوه مره مثل الشوفان و الطين الوردي و زبدة جوز الهند او زبدة الشيا و غيره من المكونات الجميله جدا ، مثل ماقلت سابقاً الصوابين الطبيعيه تنشف غالباً ، لكن هذه ماكانت تنشف 👍 و ريحتها الجميله تقعد بالبشره ، جد اذا بنصحكم اكثر شي بنصحكم بهذه ، حبيت أشكال صابونهم كأنها لوحة فنيه ، فكره حلوه جدا كهديه 👍😜

تحسون شي صنع بكل حب و كله يدوي طاقة الحب توصلكم بالمنتج 😍

من رؤى الطبيعه ( يوصلون لكل مكان عن طريق الموقع او الواتس اب كود الخصم ٢٠٪ : NON)

الصابونه الافريقيه ، فيه سائل و لوح صابوني ، كلهم ممتازات فيهم نسبة ترطيب و تنظظف البشره من قلب ، تساعد على تخفيف حبوب الظهر و الكتف و توحيد لون البشره بشكل ملحوظ

مناسبه جدا مع الحمام المغربي

صابونة الصبار ، خفيفه لطيفه جدددا مناسبه للبشره الحساسه و المتضرره مثل الاكزيما و للاطفال

من مزن ( كذلك عن طريق الموقع او الواتس و يوصلون لكل مكان )

Handmade Body soap صابون طبيعي مصنوع باليد - MZN Bodycare

أحترم ججججدا الأشياء المصنوعه باليد ، احسها ممزوجه بالحب 💕 صوابينهم ريحتها حلوه و مكوناتها طبيعيه و جميله فيه شي بالعسل و الشوفان و حليب الماعز و غيره

لا تفوتكم اللي بريحة بودرة الاطفال ودك تاكلينها

جنى الفاروق ( انستقرامهم موجود بالموقع )

جربت من عندهم صابونه الكبريت للحساسيه و الاكزيما ، من أررررروع ماجربت جودتها عااااليه جدا و شغلهم متعوب عليه بجد و كل مصادرهم عضويه

كذلك صابونه المره للحبوب تجنن تجنن و مش قويه عالبشره ، حبييت صوابينهم من قلب ، اللي تسويه وحده سعوديه قعدت اسولف معها مره في احد المعارض ، باين عليها فاهمه بشغلها و خبيره ، تحمست اجرب من عندهم صابونة الماعز الكل مدحها لي بالسناب

و هذه مصادر الصابون اللي اشتريه غالبا هذا أحسن شي جربته 👍

طيب بعد الشاور ضروري الترطيب العميق ، بزيت او زبدة جسم ، اشوف اللوشن مايسوي شي ترطيبه مؤقت جدا بش شكل 🙄

 

الترطيب بعد الشاور /

أحب استخدم احسن زبدة شيا جربتها بحياتي ، وطفشت متابعاتي بالسناب من كثر مااسولف فيها صديقتي الصدوقه خلال الحمل و الجفاف و السفر

من رؤى الطبيعه ( يوصلون لكل مكان عن طريق الموقع او الواتس اب كود الخصم ٢٠٪ : NON )

طبعا من زمان و أنا أدور بين انواع زبدات الشيا مايخلى بيتي منها أهميته مثل الفازلين بالبيت و اكثر بعد جربت حقت لوكسيتان و كانت ممتازه لكن سعرها مبالغ فيه مقارنه بحجمها الصغير ” ٣٠٠ ريال تقريباً ” و حقت ناو جميله جدا كذلك كانت و سعرها حلو

لكن هذه اكثر وحده حبيتها و رح استمر اطلب منها علطول ، زبدة الشيا هو المنتج اللي لازم مايخلو اي بيت منه ، للحساسيات و توحيد لون البشره و ترطيب عميق للمناطق الجافه مثل الركب و الاكواع و لتشقق الشفايف، ممكن تخلطينه مع كريمك المفضل كذلك

استخدمه بعد الشاور و الجسم رطب بالمناطق اللي تجف كثير مثل الركب و الاكواع ، قوامه ثقيل لكن مع الدهن يذوب و تمتصه البشره ، حق رؤى الطبيعه ميزته ريحته مو سيئه ابدا من وجهة نظري تشبه ريحة الصابون المغربي تقريباً حبيتها كثير ، و اذا بغيتها معطره اضفت عليها كم قطره من اي زيت اساسي عطري 👌

كذلك الغني عن التعريف من لوكسيتان

زيت اللّوز للبشرة المرنة

زيت اللوز جدا رائع لبعد الشاور خفيف و بسرعه تمتصه البشره

كريم الشيا الغنيّ جدّاً للجسم

ريحته لطييفه و ترطيبه جميل جدا فيه ٢٥٪ زبدة شيا جددا جميل

زيت الجسم الملطّف من زهرة الفاوانيا

ريحته عطريه تجننن و ترطيبه عميق و تضل البشره مترطبه بعده و ريحته ثابته جدا رائع

و الشي اللي معتمدته حالياً و كلما خلص سويته مره ثانيه هو خلطة زيوت خفيفه اخلطها سوا مع كم قطره من أي زيت اساسي من الروايح اللي احب حسب مزاجي

حبيت هالشي كثير بحيث اني اقدر اتحكم بالريحه اللي احب و كمية كبيره بسعر اوفر بكثير

هذه اجمل الزيوت للبشره مش ثقيله و بسرعه تمتصها البشره و ماتدبق و نتيجتها جميله عالبشره : زيت بذور العنب من اي هيرب ، زيت الاركان و الجوجوبا و الافوكادو من رؤى الطبيعه ، و أحيانا اضيف شوية زيت جوز الهند ، الكميات عشوائيه حسب رغبتي و احيانا اشيل زيت و ازيد زيت مو شرط كلهم

الزيوت الأساسيه غالبا اخذها من اي هيرب ، كل عطر له خاصيه نفسيه او علاجيه معينه

مثل زيت شجر الشاي للتعقيم – زيت اللافندر استرخاء و نوم عميق – زيت الكافور تطهير و رفع معنويات – زيت الكينا لمشاكل الجهاز التنفسي و الاسترخاء – البرتقال نشاط ذهني للتركيز – حتى ممكن تحطون ريحة ورد او ياسمين او قطرات من دهن العود او المسك الريحه اللي تحبونها

طيب و خلصنا من فقرة الجسم نروح

للوجه /

أول شي بشرتي حساسه جدا جدا ، أي غسول او كريم احطه علطول يحرقها و تطلع لي حبوب مثل النفر تحت الجلد و تحمر ، تعبت و أنا ادور المناسب لبشرتي ، اي شي مايكوي وجهي اذا حطيته 😅

اغلب الغسولات التجاريه ماناسبتني ماعدا نيتروجينا كنت استخدمه ايام المراهقه و مريح كان

لكن من وجهة نظري أشوف أنه بشراتنا احنا السعوديات بالتحديد اللي مو طول يومنا برا و غالبا مغطين وجيهنا فـ بشرتنا ماتتعرض للعوامل اللي تخليها تحتاج تنظيف يومي و عميق مثل شمس غبار كيماويات ابخره ، يعني طول ماأنا قاعده بالبيت مااشوف احتاج اني اغسل بشرتي صباح و مساء

فصرت انظفها بشكل اسبوعي ، و اذا حطيت ميك اب او حسيت بشرتي تحتاج تنظيف نظفتها ، ريحت بشرتي من الغسولات و التنظيف اليومي و هالشي لاحظت انه انعش بشرتي اكثر و خفت الحبوب و المشاكل اللي كانت كل شوي تطلع لي

إيش سويت ؟ عملت اللي يناسب ظروفي و بشرتي أنا نوره بالذات ،، الدرس هنا انه امشي عاللي يناسب ظروفك و بشرتك أنتي أدرى ببشرتك إيش تحتاج

الغسول اللي استخدمه حاليا هو غسول الصبار و الخيار للبشره الحساسه من ذا فيس شوب ، يمكن هو مو أحسن نوع بالسوق و أكيد فيه احسن منه لكنه ناسبني لحد الأن

امسح الميك اب بزيت الجوجوبا او زيت جوز الهند و بعدها اغسل بالغسول و بعدها تونيك ماء الورد اللي صار شي أساسي عندي راااائع جداً و دااايم هو الأعلى مبيعا بأي هيرب

Thayers, تركيبة الألوفيرا والهاماميليس، مهدئ خالي من الكحول، ورق الورد، 12 أونصة سائلة (355 مل)

و بعدها ارطب بشرتي بأحسن زيت للوجه ، أفضل شيء جربته بحياتي ، هو المنتج اللي جد غير لي بشرتي تماماً ماشاء الله ، الحبوب اللي تحت الجلد ، التهيجات ، الحفر ، وحد لون البشره ، خلاها مشرقه و مترطبه علطول

استخدمه للترطيب اليومي أول قبل النوم أو بعد غسل البشره ، بنااات انصحكم فيه من قلب يستاهل كل ريال اندفع فيه ، و الأهم أنه ١٠٠٪ آمن و طبيعي و نتيجته شفتها بعد شهر ، لكن الأكيد أني رح استمر استخدمه للأبد بإذن الله جدددداً رائع

Acure Organics, The Essentials، زيت المارولا، 1 أونصة (30 مل)

استخداماته :

  • الجلد الجاف، المتشقق

  • الحد من احمرار الجلد

  • التدليك

  • الندبات

  • الخطوط الدقيقة

حتى مناسب لترطيب الشعر و علاج التشققات


و الموضوع اللي من يوم تكلمت فيه بالسناب كانت كل يوم تجيني أسئله عنه

التشققات

قبل كل شي نصيحه طبقيها على أي شي تبين تعدلينه بجسمك ” تصالحي مع التشققات لا تكرهين نفسك بسببها ، هي مو شي مستغرب ، عادي يجي للكل و ظاهره طبيعيه جدا ، هذا أول حل نفسي لعلاجها لأن صدقيني اذا حطيتي التركيز عليها هي بتتمسك فيك اكثر و مارح تروح 😅 نظريه “

أنا جتني التشققات بعد الحمل ، و كان بعضها كثير و ابيض و بعضها لسا احمر ، كنت طول الحمل ارطب بزيدة الشيا الخام عشان أحد من انتشارها و هالشي احس ساعد كثير اني اتخلص منها بسهوله الحمدلله

أول شي إيش نحتاج لعلاجها ؟ أي شي يساعد على ترميم الجسم و بناء خلايا جديده

لأننا حرفيا نبي نبني جلد جديد و خلايا جديده في منطقه التشققات عشان نتخلص منها

الاشياء اللي استخدمتها من يوم ولدت لين ٤ شهور بعد الولاده و بشكل يومي و مستمر و ٣ مرات باليوم هو :

حل الصبار ، يا من منتج أو اكسر من نبتة الصبار نفسها و اخذ الجل اللي داخل و اعبيها بقوالب ثلج و يصير كل مره اخذ لي مكعب منه و ادهن فيه المنطقه مع مساجها ، باليد أو بجهاز المساج اذا مترفر أو بفرشاة الجسم الجافه

12 Amazing Ways to Use Aloe Vera in Your Beauty Routine: I very distinctly remember being in elementary school when I learned about the powers of aloe vera.

و الترطيب الدائم بزبدة الشيا الخام على مناطق التمدد ، زبدة الشيا لها خاصيه ترميم الجلد و اصلاحه

و الحمدلله قدرت اتخلص من ٨٠٪ منها و كلما استمريت شفت نتايج أكثر ، لكن المأله يبيلها صببر واستمرار ، يعني خليه من روتينك اليومي لا توقفين

 

زيت المارولا و أيونات الفضه لها خاصيه تجديد الجلد و الخلايا فـ أقدر ارشحهم لكم كذلك لعلاج التشققات علميا فعال و التجارب عليهم ايجابيه جداً

Acure Organics, The Essentials، زيت المارولا، 1 أونصة (30 مل)Sovereign Silver, Silver، چِل للإسعافات الأولية، 1 أونصة سائلة (29 مل)

 

 

 

و بس هذا موضوعي لليوم حاولت اختصر قد ماأقدر و أكتب خلاصة تجربتي بالعنايه و ماأحط لكم ألا أفضل منتجات جربتها و اللي اتوقع تناسب الأغلب بإذن الله

و الشي اللي لازم نقوله أنه انواع البشرات تختلف و أكيد أكيد مو كل شي ناسبني ممكن يناسبك بنفس القدر ، لكن مايمنع تجربين ، خصوصا أنه كل المنتجات اللي رشحتها طبيعيه فـ اذا مانفعت ماضرت بإذن الله ، و هذه ميزة الحياة الصحيه الطبيعيه الفطريه 👌

و لا تنسين أنتي أنثى جميله ، ربي خلق الجمال بكل البشر أنتي جميله بروحك و ثقتك بنفسك و عنايتك و نظافتك . هذا المهم صح ؟

أتمنى تكون هالتدوينة مرجع لأي وحده تبي العنايه الطبيعيه لبشرتها و أن شاء الله تكونون استفدتوا

تحياتي لكم يا جميلات 🌹🌹🌹

 

6 thoughts on “كل مايخص العنايه بالبشره + تجربتي بالتخلص من التشققات

  1. مشكورة عالتدوينة الرايقة ..

    يارب تكون لك علم وبموازيين حسناتك ..
    حبيت أسأل عن تونيك ماء الورد كيف طريقة استخدامه؟

    مثلاً تحطينه بقوالب ثلج ؟ أو مسحة بقطن؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.