الباونتي ، بالنسخه الصحيه و الألذ من التجاري

 

ياأهلا و سهلا

تخيلوا كتبت التدوينه كامله و فجأه يطفي الموقع بسبب ازدحام السيرفر ماشاء الله عليكم ماتوقعت اني بحتاج سيرفر اكبر 😍 و رقينا السيرفر و خذيت سيرفر اكبر يكفي كل قلوبكم الجميله اللي بتزورني بالمدونه ، حياكم ربي 💕

يارب اطلع بجوده مثل اللي كتبته قبل و انمسح

المهم في يوم من الايام من ليالي الوحم اشتهيت باونتي ( مع اني مااحبه اصلا ) بس الوحام يخليك تبين اشياء ماتدرين من وين طلعت

طبعا ، مارح احرم نفسي ، و الاكيد اني اقدر اسويه بالنسخه الصحيه ، خصوصا لو فكرتي فيه سهل : جوز هند و كاكاو

لكن التجاري مع الكثير من الاضافات الضاره و الكثير الكثير من السكر

و بدا مشوار البحث عن افضل طريقه و اكثر طريقه تكون مكوناته متوفره دايم بالبيت

و طلعنا بألذ نتيجه ماشاء الله 😍👏👏👏

التيجه تصصصدم من كثر ماهو لذيذ ، و انا اكله قاعده اقول : ليش حارمه نفسي كل هالوقت من الفائده و الطعم اللذيذ و قاعده اكل الباونتي التجاري ، صدق الحرمان دايم نلقاه من الاكل المضر اللي مجبرين نفسنا عليه ، و نحرم نفسنا اللذه و الفائده و التنوع بالمقادير و الفيتامينات

المكونات /

  • ١/٢ ك جوز هند مبشور
  • ١/٤ ك لوز مطحون ( ممكن شوفان كذلك )
  • ٤ م شراب قيقب ( أو دبس تمر او عسل )
  • ٢ م زيت جوز هند
  • كاكاو غامق مذاب للتغطيه

الطريقه /

  1. نعجن جميع مقادير الحشوه حتى نحصل على عجينه متماسكه
  2. نشكله بالشكل اللي حابين و نخليه بالفريزر ٥ دقائق
  3. بعد مايجمد نغطيه بالكاكاو و نرجعه الفريزر مدة ١٠ دقائق او حتى يجمد

يحفظ بالثلاجه مدة اسبوع او اكثر و بالعافيه 🌹

5 thoughts on “الباونتي ، بالنسخه الصحيه و الألذ من التجاري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.