كيف نسافر ،بترتيب ، و صحه ؟ #تجهيزات_السفر

ملاحظه : كل صوره أنا حاطتها لمنتج لو تضغطون عليها توديكم لرابط المنتج علطول اذا حبيتوا تطلبونه
رابط الخصم من اي هيرب : WLC948

أجمل طاري هو طاري السفر ، و سوالف السفر و صور السفر 🛩🛩

المطار و شنطه السفر و القلوب السعيده اللي نشوفها بالمطار ، لما يكون الكل كاشخ بالملابس و الشنطه اللي مجهزينها للرحله و النظارات و الجوازات اللي باليد

أجمل منظر عندي لما اشوف كيف الأطفال بالمطار متحمسين للطياره و الرحله ، كيف لما يكون الطفل جايب كل ماعنده ، شنطه بالظهر و نظاره شمسيه و قبعه هههه اشكالهم طريفه جدا تجيب السعاده 😄💕

و أحد لحظات السعاده للسفر ، هو وقت التجهيز و البحث و التخطيط للرحله ، فيها شي من السعاده و الحماس استشعروا هذه الأوقات و استمتعوا فيها

رح اتكلم عن التجهيز من جميع النواحي : ترتيب الشنطه ، الإحتياجات الصحيه و الصيدليه ، كيف نحافظ على نظامنا الصحي بالسفر

طبعاً قاعده : دايم نبي ناخذ أقل أغراض ممكنه معنا ، مانبغا نعبي الشنط أشياء مو ضروريه تثقل علينا و و ندفع زياده للشحن ، زحمه بالفندق و السياره و غيره

كلما كانت اغراضنا أقل كلما كانت سفرتنا مريحه أكثر

نبدا بترتيب الشنطه

أجمل شي يفضل أنكم توفرونه لترتيب الملابس هو هذا الشي :

( اضغطوا عالصوره يوديكم للرابط للي حابه تطلبه )

موجود بأغلب محلات الشنط أو المتاجر أون لاين

جدددا ممتاز و مرتب لترتيب الملابس فيه ، شنطة للبلايز و التي شيرتات ، شنطه للبنطلوت و التنانير ،، و للملابس الداخليه و الاكسسوارات و غيره

A lot of us just throw stuff into the suitcase when we're packing for a trip. Here's how to avoid those common packing mistakes. #GetOrganized

كذلك أنصح بترتيب الملابس على شكل رول مثل كذا ، بحيث أنك بتشوفين كل الملابس قدامك بدون ماتحتاجين تفجرين الشنطه عشان تطلعين لك قطعة لبس 😝 و رح يرتب لك الملابس ماتتعفس

And roll the rest of your clothes so they take up less space. | 21 Clever Packing Tricks That Will Make Your Trip So Much Easier

و يفضل أنك تجيبين ملابس مرنه ” حسب نوع سفرتك ” بنطلون يناسب أكثر من نوع بلوزه ، جكيت بلون محايد مثل البيج او الرمادي بحيث يناسب اكثر من موديل”

كذلك اذا مسافروه لدوله برا ماتدرين كيف جوها ضروري يكون معك جكيت أو شال ثقيل احتياط ، ماندري عن تقلبات الأجواء كيف بتصير

و ماننسا المظله اذا بنروح لديره فيها امطار

و شي مهم كذلك ، تحتاجين عبايه زياده احتياط سواء سفره داخليه او خارجيه ، ممكن تغبر العبايه او ينكب عليها شي و مايمديك تغسلينها عالاقل يكون عندك احتياط

اذا مسافره لأهلك أو قرايبك خلي عندك تجهيز مسبق لتنسيق الملابس كامل بعدين حطيه بالشنطه جنب بعض عشان تتذكرين كيف كنتي مجهزته

flatlays's photo on Instagram

بوجهة نظري مانحتاج نكثر اكسسوارات و ميك أب، ناخذ الضروري و العملي اكثر ” و كلو يرجع حسب مناسبة سفرك “

فيه باليتات السفر اللي تكون فيها الشادو و البودره و ظلال ، تناسب اكثر من مناسبه و اللي كذا تكون علطول بشنتطي لسفر او غيره احبها مره 😌

هذه مجموعات ميك اب السفر من مبيعات الخطوط الجويه ( اضغطوا عالصوره يوديكم للصفحه يوصلون اون لاين و ألاحظ منتجات التجميل حقتهم حلوه و اسعارها حلوه )

http://az749314.vo.msecnd.net/azure/uae-resources/7c67603f-cc84-440e-9e6f-257db50162e4/Images/ProductImages/Source/4601467.png;width=1100 http://az749314.vo.msecnd.net/azure/uae-resources/7c67603f-cc84-440e-9e6f-257db50162e4/Images/ProductImages/Source/4601920.png;width=1100http://az749314.vo.msecnd.net/azure/uae-resources/7c67603f-cc84-440e-9e6f-257db50162e4/Images/ProductImages/Source/4602089.png;width=450 

http://az749314.vo.msecnd.net/azure/uae-resources/7c67603f-cc84-440e-9e6f-257db50162e4/Images/ProductImages/Source/4600228.png;width=450 http://az749314.vo.msecnd.net/azure/uae-resources/7c67603f-cc84-440e-9e6f-257db50162e4/Images/ProductImages/Source/4601541.png;width=450http://az749314.vo.msecnd.net/azure/uae-resources/7c67603f-cc84-440e-9e6f-257db50162e4/Images/ProductImages/Source/4600270.png;width=1100

http://az749314.vo.msecnd.net/azure/uae-resources/7c67603f-cc84-440e-9e6f-257db50162e4/Images/ProductImages/Source/4600248.png;width=1100http://az749314.vo.msecnd.net/azure/uae-resources/7c67603f-cc84-440e-9e6f-257db50162e4/Images/ProductImages/Source/4601897.png;width=1100


بالنسبه لمستحضرات الشاور و العنايه

،، امممم أشوف مهما اعتنينا ببشرتنا خلال السفر للاسف فيه مجال انها تخرب

شخصياً ماأشجع اني اخذ كل عفشي و كريماتي و ماسكاتي معي بالسفر ألا اذا ايحه احضر مناسبه مثلا

أهم شي تكون البشره مرطبه و نظيفه

الأشياء اللي أرشحها و شخصيا أحب اخذها معي ممكن تاخذون منها فكره :

Nature's Way, زيت جوز هند عضوي، بكر، 16 أونصة (454 غ)

زبدة جوز الهند أفضل ترطيب لجميع انواع البشرات و الشعر ، ترطيبه خفيف بسرعه تمتصه البشره ، كذلك استخدمه كواقي للشمس بما أني ماأحب المركبات الصناعيه و كلما كنت استخدم منتجات طبيعيه أفضل

حلو اذا برحلتك فيه مسبح و غيره ، تحطينه كماسك بشعرك قبل ماتدخلين المسبح يحمي شعرك من الجفاف من موية الكلور او البحر

بعد الشاور و البشره رطبه ندهنه عشان يبقى ترطيبه طول اليوم

 

Now Foods, المحاليل، زبدة الشيا، عضوي معتمد، 7 أونصة سائلة (207 مل)

زبدة الشيا الخام صديقتي الصدوقه اذا بسافر للمناطق الجافه

ممتازه لتشقق الشفايف و الأكواع ، قوامها ثقيل و ترطيبها عميق فـ بتكون ممتازه جدا للمناطق اللي جوها يتسم بالجفاف، عموما أحيانا البشره تجف زياده مع اختلاف الأجواء

 

Thayers, تركيبة الألوفيرا والهاماميليس، مهدئ خالي من الكحول، ورق الورد، 12 أونصة سائلة (355 مل)

تونيك لتنظيف البشره

هذا المنتج هو الأفضل مبيعاً بآي هيرب ، جددا رائع و للأبد من مفضلاتي ، ينظف بشكل لطيف بدون مايحسس البشره و بدون كحول و كيماويات ، فيه ماء الورد و الصبار جدا رائع لتنظيف البشره

 

صابون الوجه الغنيّ جدّاً من زبدة الشّيا

و بالسفر أفضّل أني اخد منتجات صلبه قدر الإمكان عشان نتجنب موضوع انه ينكب او ينكسر و غيره ، هذه صابونه طبيعيه من زبدة الشيا مناسبه لغسل الوجه ، أفضل أني استخدمها لإزالة الميك اب أو اذا تعرضت بشرتي لعوامل غبار او هواء وصرت احتاج انظفها بغسول

 

شامبو لتنشيط وانتعاش الشعر

اذا بسافر لمكان بسكن فيه فندق ٥ نجوم أو اي فندق يوفر شامبو و غسول ماأحب اخذ الشامبو تبعي معي ، لكن اذا بروح لأهلي أو قرايبي أو مكان مايوفر منتجات استحمام باخذ معي شامبو بحجم صغير مثل كذا

 

كذلك مجموعة جسم بأحجام السفر متوفره عند لوكسيتان و بودي شوب و ذا فيس شوب ، لطيفه جدا و غالبا تجي معها شنطه صغيره حلو تحطين فيها باقي اغراضك

 

 

بالنسبه للصيدليه المنتقله

طبعاً أغراض الصيدليه بالعاده تكون : بنادول للصداع ، مضاد حيوي احتياط ، فيتامين سي للمناعه ، كريم حروق ، كريم فيسودين او ابو اسد ، ادوية حساسيه ، مسحات كحول طبيه ، اي دواء للبطن و القولون

كل هذه ممكن يكون غلط استخدامها و غير فعاله بالواقع و بعضها غير آمن

و هذه البدائل الصحيه و الطبيعيه لها :

Sovereign Silver, Silver، چِل للإسعافات الأولية، 1 أونصة سائلة (29 مل)

أفضل و أهم منتج هو أيونات الفضه

للشفاء السريع لجميع أنواع الجروح الطفيفة، يخفف جل الإسعافات الأولية Sovereign Silver:

  • الحرق
  • اللسع
  • الحكة
  • إحمرار العين
  • التصلب والألم من الجروح الطفيفة
  • الحروق الطفيفة
  • الكدمات
  • التقرحات (جروح وخدوش بسيطة)
  • البثور
  • لدغات البق
  • الطفح الجلدي بسبب حب الشباب، الأكزيما أو الإلتهاب
  • الطفح الجلدي

يعني شامل كل شي ، للتعقيم و للحساسيه و جروح ، اشوفه صيدليه متكامله ماشاء الله و الحلو أنه ١٠٠٪ آمن

 

Lily of the Desert, جيلي صبار الألوة فيرا، 99% 4 أوقية (114 جم)

جل الصبار لأي نوع حروق او جروح أو حساسيات كذلك، خفيف و فعال جدا

 

Life Flo Health, دوارة المغنسيوم Migrazap، وزن 7 مللي

رول المغنيسيوم للصداع ، يدهن بجوانب الرأس، كذلك ممتاز لأي شد بالعضلات ، الشد اللي يجي من المشي الطويل او النومه غلط يرخي العضلات أو الأعصاب و يعالجها بإذن الله

و حجمه صغير مناسب للشنطه و لحمله بأي مكان كذلك فيه نفس الماركه بخاخ و حجم اكبر ،، للي بيروحون عمره ضروري لكم بعد آلام العضلات من مشي العمره

 

Ricola, قطرات الكحة العشبية الطبيعية الأصلية، 21 قطرة

حلاوه بالعسل للكحه أو إلتهاب اللوز و لإراحة الحلق

 

Celestial Seasonings, نموذج شاي فاكهة، شاي أعشاب، خالي من الكافيين، 5 نكهات، 18 عبوة شاي، 1.4 أونصة (40 غ)

أحب اخذ معي أنواع شواهي اعشاب بابونج او يانسون او نعناع شمر زنجبيل ، شي يعطيني ريلاكس او يساعدني انام احسن او يهدي بطني ، ماتدرين عن ظروف النوم و الاكل في السفر فـ الأفضل يكون شاي اعشابك المفضل معك

بالطياره أو بالمطار أو الفندق ، أطلب ماء ساخن بس و احط شاهيي بالمفضل

 

 

Nature's Answer, فحم، كاربون نقي ونشط، 560 مجم، 90 كبسولة نباتية

حبوب الفحم من المنتجات المفيده جداً ، تعالج مشاكل القولون و المعده بشكل فوري ، الانتفاخات التهيجات حتى التسمم بإذن الله

خصوصا أنك بالسفر بصعوبه تتحكمين بنوعية أكلك فـ ماتدرين إيش بيواجهك من مشاكل معده

كذلك أحب بالسفر اخذ معي بعض السناكات الصحيه أو بروتين بار أو انرجي بار لتنقذني ببعض الأوقات مثل بالسياره او بالمطار أو لما اجوع و ماألقى خيارات صحيه مثل هذا :

NuGo Nutrition, شوكولاتة داكنة مزدوجة عضوية، 12 قطعة بروتين عضوية، 1.76 أونصة (50 جم) للواحدة  أو هذا  Kashi, Savory Bars، باسيل وفاصوليا بيضاء وزيت الزيتون، 10 بار، 5-2 أكياس، 1.05 أوقية (30 جم) كل

و الخيارات كثير من مكسرات و فواكه مجفهه و غيره

Madre Labs, منظف للأيدي يحتوي على حشيشة الليمون، للتنقل، خالي من الكحول، يحتوي على الصبّار، 2 أونصة سائلة (60 مل)

و هذا المنتج جدا رائع ، معقم فوري طبيعي لتنظيف اليد من عشبة الليمون و الصبار ، و خالي من الكحول ، ممتاز لأوقات الطوارئ

بالنسبه لشنطة اليد اللي بناخذها للطار

هذ اختياراتي اللي أحب أخذها معي

  • احب اخذ شنطة ظهر اريح للمشاوير الطويله و تشيل كثير و ماتتعب الكتف ، هذه عمليه و ناعمه مره من كوتش
  • شاحن منتقل ، سلك شاحن ، سماعات
  • دفتر ملاحظات و قلم و علبة ادوات خياطه
  • وساده ، غطاء عين ، مطاره مياه ” حبيت هذه المطاره لأنها زجاجيه ليست بلاستيك ، مغطاة بالسيليكون لحمايتها “
  • مشط شعر و بكله و بنس او مشابك شعر
  • علبه ميك اب ، مرطب يدين ، معقم ، مناديل مبلله ، سواك “لما نبي نعطر فمنا أو ننظف اسناننا بعد وجبه و ننتعش السوالك بيكون افضل و أوفر و أصح خيار “
  • عطر رول بالخزامى للإسترخاء ، عطر صلب ” خيارات صغيره و أمنه عن الانسكاب و وريحتها خفيفه مش فواكه ، حلو اذا بغيتي تنتعشين أنتي بدون ماتفوح ريحة العطر “
  • و الأكيد محفظتي و جواز السفر و اوراق الحجوزات و باقي اوراقنا المهمه اللي نحتاجها للرحله

 

 

 

صورة ذات صلة

الأكل الصحي خلال السفر

طبيعي بصعوبه أنك تتحكمين بنوعيه و جوده اكلك خلال السفر

اذا بدوله للسياحه أو عند أقاربك حطي ببالك انه عادي يخرب النظام شوي

لكننا بنرجع نوازن كل شي اذا رجعنا ، فقط استمتعي باللحظه و بكل شي تاكلينه و لا تشيلين هم ترا الكل كذا

و أذا أنتي أكلك بالأساس صحي علطول ، بيكون عندك أساس قوي و جسم قوي بيتحمل لخبطة الأكل للي بتصير بإذن الله

المهم فيه خطوط حمراء لازم مانتعداها عشان نحافظ على صحتنا و مناعتنا قدر الإمكان ❌  :

  • المشروبات الغازيه
  • الأكل المصنع تماما مثل بعض أنواع الحلويات و اللحوم المصنعه مثل النقانق
  • الأكل المقلي
  • السكريات المبالغ فيها
  • كل يوم قهوه ، و بسكر 🙄

و نحاول قد مانقدر يكون أكلنا نباتي – مشوي – من حبوب كامله – و ماننسا حصه من الخضار النيئه بالسلطات

بأغلب دول العالم خصوصا الأوروبيه و الأمريكيه ، حتى بدبي و الكويت صار فيه مطاعم صحيه متخصصه ، ابحثوا عنها و زوروها

ممكن اذا بتطلبون من مطعم تقولون للشيف يغير من طبقكم ، يشيل الصلصه او يخليها برا ، بشيل اللحم ، يخلي المقلي مشوي ، بدون مايونيز ، و هكذا

لنا الحق تماما بأننا نختار طبقنا كيف بيكون

و بخصوص الطبخ خلال السفر 🙄 come on أحنا مسافرين عشان نستمتع و نرتاح و نجرب تقاليد و ثقافات الشعوب اللي غيرنا و أهم أهم الثقافات هي ثقافه الأكل مو عشان اطبخ و انفخ و اغسل مواعين ، صحيح بعض الناس متعتهم بالطبخ

 لكن هذه وجهة نظري بهالموضوع ، أنا مسافره عشان اتعرف عالبلد من عاداتهم و تقاليدهم و أكلهم ، الأكل شي من السياحه

عشان كذا مانحرم نفسنا من متعة أننا نجرب أطباق الدوله اللي رايحين لها و نتعرف عليها

فيه بعض البنات الصحيات يجيبون عصارتهم معهم للعصير ، أو خلاط السموثي ، او حتى يجيبون معدات الطبخ كلها من رز اسمر و شوفان و حليب نباتي و غيره ، لكن للي اشوفه أني مو مسافره عشان اطبخ ، رح أبحث و أدور على المطاعم الصحيه بكل بلد و اروح لها ، و بشتري الشوفان من هناك و الحليب النباتي من هناك نلقاها ارخص و أجود و خياراتهم الصحيه افضل خصوصا في اوروبا و بريطانيا و امريكا

و مايمنع ناخذ معنا سناكات من الفواكه الطازجه هناك و السناكات الصحيه و ممكن نجرب أنواع شاي جديده من البلد أو عشاب جديده ” أححب حركات عطارين تركيا جدا شاطرين “

و ممكن ناخذ معنا السناكات الصحيه اللي نكون عاملينها بالبيت مثل : كرات الطاقه البروتينيه أو الجرانولا بار أو الإنرجي بار

و مهم مانقطع تمرايننا خلال السفر و نحاول نلقى لو ٢٠ دقيقه نكمل فيها تماريننا

اللي تسوي تمارينها بأثقال تجيب معها أحبال المقاومه تعمل تمارينها فيها كبديل للأثقال أو اللوب باند

Sports Research, ميني لوب باند ، 4 أشرطة حلقية

أو تروحين النادي تبع الفندق تسوين فيه تمارينك أهم شي ماتوقفين ، التمارين بتساعدك تخلي جسمك أقوى ، يتحمل المشي أكثر ، المناعه تقوى و النفسيه تكون أحسن

تطبيق Yelp على الآي فون و الأنرويد يساعدكم على البحث عن المطاعم اللي حبينها في كل دول العالم ، و تشوفون تقييمات الزوار لها و موقع المطعم و صور لوجباتهم

 

** حاولت أخلي التدوينه شامله كل المعلومات اللي أي مسافر يحتاجها ، اذا حابيني أتلكم عن شي بعد عطوني خبر ازيده عالتدوينه 🙏

4 thoughts on “كيف نسافر ،بترتيب ، و صحه ؟ #تجهيزات_السفر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *