النوتيلا الصحي

مين مايحب النوتيلا

لكن مين مايعرف اضرار النوتيلا و شعور تأنيب الضمير اللي يجي بعد ماتاكله ?

و اذا عطيناه اطفالنا و قالو نبي ثاني ، نقول : لا خلاص يكفي شوي ، او بعض الامهات اللي ترحم عيالها و تعطيهم و هي تدري انه بيضر اجسامهم

خصوصا انه عباره عن زيت و سكر ، و 15٪ بس بندق ، شاللي حادنا ياخي

ليش ماناكل النوتيلا لكن بنفس الوقت نعرف انه عقولنا و اجسامنا قاعده تقوى + نستمتع بنفس الطعم الرائع

و ناكل بدون مايزعل ضميرنا ، و نعطي اطفالنا بدون حدود ، مره ثانيه و ثالثه و رابعه ?

المهم النوتيلا عملته من قبل

هنا  

لكن هالمره قللت الكاكاو و خليت طعم البندق طاغي

و مااضفت الزيت ، نوع البندق تركي كويس جدا مااحتاج مني اضافة سائل

اخذته من المهباج انصحكم فيه

و يوم حمصت جزء منه اعطا نكهة تحميص لذيذه جدا جدا

لكن ملاحظه مهمه و هي انك اذا بتسوين بالمكسرات زبده ، تكتفين بتحميصها و ماتنقعينها

لأن النقع يخفف الزيوت الموجوده بالمكسرات اللي تسوي لنا القوام الكريمي

الفطور المثالي للاطفال و الكبار

6 thoughts on “النوتيلا الصحي

  1. ماأعرف كم تاخذ حسب قوة خلاطك ، يمكن ١٠ دقايق يمكن ٣٠ ، لكن لازم تريحين الخلاط كل شوي عشان مايحتمي
    اذا خلاطك قوي مايحتاج زيت

  2. اكيد بسبب البندق القديم ، الطعم يعتمد بشكل أساسي على نوع البندق اللي تاخذينه ، انصحك بالبندق التركي ،، و خزنيه بالفريزر اذا مارح تسوينه علطول

  3. البندق شاريته لي مايقارب الشهر وقررت اسويه
    جربته حسيت الطعم هو هو كويس يعني مافيه مشاكل
    واطحنه مع سكر طبيعي وكاكاو باودر عضوي
    بس النتيجه نكهة البندق كأنه خربان ليش ماكان هالشي واضح قبل الطحن

  4. ماشالله تبارك الله
    مدونه خطيره تغير الثقافة الغذاء عندنا .. معلومات جديده
    يعني لما اعرف انه المكسرات اقدر أطلع منها الحليب والجبن والزبدات بعد شي رهيييب
    اهتمامي بهالمواضيع خلاني أتصادف بمدونتج الرائعه …موفقه ????????

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.