مفضلاتي من اي هيرب .. المنتجات اللي كل مره ارجع اطلبها

نتيجة بحث الصور عن اي هيرب

مرحبا

اي هيرب أكثر موقع فيه مصادري الصحيه ، لأنها فيه بأنواع كثير و اسعار ارخص بكثير من هنا

الموقع يوصل دايريكت عالسعوديه بالدي اتش ال

و تقدرون تدفعون بالفيزا السعوديه و اللي قابله لشحن الرصيد

كيف نطلب من اي هيرب ؟ حطي كل اللي تبن بالسله 👌 اضغطي تابع الدفع 👌 عبي بياناتك و عنوانك 👌 تأكيد 👌 انتظري شحنتك توصل

بس بهذه البساطه مااعتقد يبيلها شرح و صور 😝 و اذا مافهمتوا علي شوفوا يوتيوب و جوجل مليااااان شروح و بالصور و الفديو

طيب

المفضلات اللي احبها و غالبا ماألقاها هنا او تكون موجوده بأسعار مبالغ فيها ، يعني انا ماعندي مشكله ادفع عشان صحتي لكن مو باستغفال مثل الوضع اللي صاير عندنا بالسوق 😅

هذا موقع اي هيرب

و هذا كود التخفيض حطوه قبل الدفع و يجيكم تخفيض مني 👏 :WLC948

و كل منتج اضغطوا على صورته و يفتح لكم رابطه بأي هيرب

المنتجات العلاجيه :

Sovereign Silver, Silver، چِل للإسعافات الأولية، 1 أونصة سائلة (29 مل)

أيونات الفضه ، مضاد حيوي ، علاج للحروق ، يساعد على إلتئام الجلد و وقف النزيف ، مضاد للبكتيريا و الفطريات ، معقم ، لدغات الحشرات ، مضاد إلتهابات ، للأكزيما خصوصا اذا تهيجت ، لحساسيه العين و تهيجها ، للمناعه ، طرد السموم الثقيله

كل هذه الفوائد و فوقها أنه آمن ١٠٠٪ و بدون اعراض جانبيه

أيونات الفضه من الأشياء اللي لازم تكون بكل بيت ، من ٣ سنوات و أنا كلما خلص من عندي اشتري ثاني ، حبه بغرفتي حبه بالصاله حبه بالمطبخ حبه بشنطتي

ممتاز بعد بالسفر بدل ماتاخذين شنطة اسعافات اوليه ، هذا كل اسعافاتك

و عن تجربه ممتااااز جدا و فعال لكل الأشياء اللي قلتها ، تقدرون تبحثون و تقرون عنه اكثر ، حطيته اول مفضله لأنه اهم واحد

فيه نوع جل ، فيه سائل بخاخ ، الجل مثل اللي بالصوره استخدمه لاستخدامات الخارجيه مثل الجلد و غيره

البخاخ استخدمه داخلي داخل الفم لالتهابات اللوز مثلا و الجيوب الانفيه و الأمراض و غيره

 

 

Nature's Way, الألوة فيرا،رقة عصير، 33.8 أونصة سائلة (1 لتر)

شراب الصبار أو الألوفيرا

ممتاز بالدرجه الأولى لعلاج الجهاز الهضمي و القولون

فيه اكثر من ٢٠٠ قيمه غذائيه من فيتامينات و معادن

استخدمه دايم اذا صار عندي اي مشكله بالجهاز الهضمي : غثيان تلبك صعوبة هضم قولون

اذا خربتها بيوم بأكلي و حسيت بطني مو تمام شربته

ادخله بنظامي مع الديتوكس جدا ممتاز للتطهير من السموم

طعمه ؟ مثل الخل ، مر جدا اخففه بماء و اشربه بسرعه

فيه انواع باهيرب تجي مع منكهات و كذا

 

 

Now Foods, سولوشنز، زيت الخروع، 16 أونصة (473 مل)

زيت الخروع

اول شي ليش حطيته مع تصنيف العلاجي ؟

لأني استخدمه بالدرجه الأولى علاجيا

غيز الترطيب العميق جدا و فعاليته للشعر من ترطيب و تكثيف

اسوي فيه لبخة الخروع لمشاكل المعده

إذا في يوم حسيتي بطنك مو تمام من قولون و معده او ماكله شي مو كويس ، بس تدهنينه ببطنك و تلقين بطنك بنايلون عشان مايطبع على الملابس ، و تنامين ، بتقومين بطنك مافيه ألا العافيه بإذن الله و مفعوله فوري جدا لمشاكل البطن باستخدامه خارجيا افضل من شربه ، 👍

 

Amazing Grass, كوب خفق جرين سوبر فوود و7 نكهات من جرين سوبر فوود، 1 - 20 أونصة للكوب، 7 أكياس (7 غ) الواحد

باكيج عشبة القمح

فوائد عشبه القمح خارقه جدا

ممتاز لتطهير الجسم من السموم و الاشعاعات و مأجج بالفيتامينات و الفوائد ، هذا الباكيج فيه ٧ أظرف كل نوع له فائده مثل الاساي و الليمون و غيره لكن كلهم عشبة قمح

استخدمه اذا بسوي ديتوكس لازم يكون داخل فيه عشبة القمح

 

Alaffia, زيت النيم، غير مصفى، 0.8 أوقية سائلة (24 مليلتر)

زيت النيم

هذا بديل الفيسودين عندي

ممتاز لعلاج اي مشكله بالبشره

يشيل الاكزيما و آثارها بإذن الله

للحبوب و التقرحات و اي مشكله بالبشره يعالجها

حتى حب الشباب ممتاز له لو تحطينه كل يوم قبل النوم تشوفين مفعول قوووي بإذن الله

انصح فيه لكل بيت اقروا عن النيم كيف مفيد

عيبه انه ريحته غير مقبوله شوي

 

Manuka Health, Manuka Honey Suckles, MGO 400+, Hard Candy, 3.5 oz (100 g)

اقراص عسل المانوكا

بديل للستريبسلز و فعاله اكثر منه

اذا حسيتي بتقريص بالحلق و بدايه مرض علطووول يمنعه باذن الله

ممتاز للبحه و الكحه و ألام الحلق و مفعوله فوري و دائم يعني ما نحتاجين كل ٥ دقايق تاكلين حبه

 

 

منتجات تجميل و عنايه :

Now Foods, Solutions، زبدة الشيا، 7 أونصة سائلة (207 مل)

زبدة الشيا أهميتها مثل أهمية الفازلين بكل بيت و أهم 😁

صارت هي فازليني ، ترطيب عالي جدا و تمتصه البشره بدون مايدبق

يعني انتي بمكن جاف ، بدل ماتقعدين كل ٥ دقايق تحطين مرطب ، هذا يؤدي العرض من مره وحده

ممتاز لتشققات الشفايف و الجلد ، ممتاز لترطيب الشعر الجاف

للحروق و آثارها ، علاج طبيعي للأكزيما و مشاكل الجلد

فيه فيتامينات مثل بي و أ يعني يرطب و يغذي البشره

و آمن ١٠٠٪ بإذن الله

مهم بكل بيت و اشتروا منه كميه بعد

Skin Food, Salmon Darkcircle Concealer Cream, No. 1 Blooming Light Beige

أنا وحده اعاني من هالات تحت عيني و هالشي وراثي ، فأضطر اني كل يوم احط كونسيلر للدوام او البيت او المشاوير السريعه ، كنت ابي كونسيلر خفيف عالبشره يصلح يومي و مايزيد الطيب بله و يزيد لي الهالات

جربت كلارنس و غارنييه و غيره من المنتجات العلاجيه لكن ماشفت هذاك المفعول

هذا أكثر واحد ناسبني ، خفيف و مكوناته نظيفه و خفف لي الهالات ، يعني ماأجمل أنك تحطين ميك اب بنفس الوقت تغذيت بشرتك

مشكلته انه دهني و ماتمتصه البشره بسرعه ، لكن للدوام او البيت او شي سريع يمشي الحال

Physician's Formula, Inc., Organic Wear, Jumbo Lash Mascara, Black, .26 أونصة(7.5 غ)

مسكارا علاجيه بزيت الخروع و مكونات عضويه

خفيفه و ممتازه للدوام والاستخدام اليومي ، تحطينها و انتي مرتاحه انها مارح تطيح رموشك

لاحظتها طولت لي رموشي ٤٠٪ تقريبا

عيبها انها خفيفه مره و تروح بالماء و مايجي نص اليوم الا و هي رايحه < طبعا هذه مميزات بالنسبه لي 😛

Madre Labs, Witch Hazel Toner مرطب ونباتي، وردة تويجية، خال من الكحول، و 12أوقية. (355 مل)

تونر للبشره بالصبار و ماء الورد بدون كيماويات و كحول

ممتاز للبشره الحساسه ينظف البشره من قلب

و هو سر من اسرار صفاء البشره جدددا يفرق مع بشرتي

Desert Essence, غسول فم بزيت شجرة الشاي منعش طبيعي، خالٍ من الكحول، 16 أونصة سائلة (480 مل)

هذا غسول فموي

ريحته حلوه جدا مو فل نعناع ( ماأحب ريحة النعناع بالمعجون او العلوك 🤐 ) هذا فيه حرارة من زيت شجرة الشاي

مفعوله حلو بتعقيم الفم و الوقايه من التسوس 👍

خالي من الفلورايد و الكحول و المصنعات

فيه زيت شجرة الشاي المعروف للتطهير و الالوفيرا و مواد طبيعيه مثل كذا

Auromere, معجون أسنان عشبي بالأيورفيدا، العرقسوس، 4.16 أونصة (75 مل/ 117 غرام)

افضل معجون اسنان جربته

مافيه ريحة نعناع قويه وطعمه حلو

مفعوله للتبييض و التنظيف ممتاز

١٠٠٪ عشبي و طبيعي بدون مواد كيميائيه ابد حتى مايطلع رغوه كثير دليل انه مافيه SLS

Life Flo Health, زيت المغنيسيوم الصافي، 8 أوقية (237 مل)

بخاخ زيت المغنيسيوم للجسم

هو استخدام خارجي بالجلد و نسبة امتصاص المغنيسيوم بالجلد اعلى من المعده

ممتاز للي فيهم نقص مغنيسيوم بسبب استهلاك الاجبان

و لشد العضلات عند الرياضيين او عند الارهاق

هذا رفيق السفر ، تعرفون كثرة الجلوس بكرسي الطياره او السياره تخليك توصلين مشدود ظهرك ، فـ هذا ممتاز علطول يرخيه

وقت العمره و الحج لابد منه بعد المشي الطويل بالعمره ( أبي مكه 😭) تحطونه قبل النوم و تقومون من النوم مافيكم ألا العافيه بإذن الله

افضل من الكريمات اللي تسكن العضلات ، الكريمات اللي تسكن العضلات تسكن الألم بس ماتشيل أصل المشكله

هذا الزيت يشيل أصل و سبب الألم بإذن الله

اول ماتحطينه يقرررص بالبدايه بعدين يروح طبيعي جدا

Now Foods, زيوت عطرية، الصنوبر، أونصة سائلة واحدة (30 مل)

زيت عطري

اعشق ريحة الصنوبر بالعطور و بعض المنظفات ( ديتول 😻)

ريحته عشبيه رائعه قريبه من الروز ماري و الافندر كذا نفس هالخليط تقريبا

طبعا شريته عشان ريحته علاجيه ، ممتازه للصداع و مشاكل الجيوب الزكام و يساعد عالاسترخاء و النوم أفضل

حبيييته جدا و كل مره بشتريه

Ancient Secrets, Lotus Brand Inc., كأس شموع من ملح الهيملايا الصخري الطبيعي، صغير، لاستخدام 1 شمعة

صخرة ملح الهمالايا

قاعده للشمعه من ملح الهمالايا

مفيده جدا للتركيز و تنقية الجو اقروا عنها

المهم سعرها بأي هيرب معقول جدا عن التجار بالانستقرام باهيرب بحدود ٣٠ ريال ، شفت كذا تاجره بالانستقرام تبيعه ٣٠٠ ريال !!

Queen Helene, Batherapy، الأملاح المعدنية الطبيعية للاستحمام، برائحة اللافيندر، 20 أونصة (567 جم)

أملاح بانيو برائحة اللافندر + فيها ابسوم

ممتااااااازه للأسترخاء و النوم العميق ولعلاج شد العضلات المدح فيها مايوفي ابد ابد بيتي مايفضى منها 👏👏

عندنا لافندر المعروف للاسترخاء + ملح الابسوم العالي بالمغنيسيوم لنقص المغنيسيوم و ارخاء العضلات و الاعصاب

تحتااااااجووونه ياأمهات 😂💔

هذا اللي يواسيني  بعد يوم متعب مع البيت و الأطفال

ممتاز للرياضيين علطول يرخي العضلات المشدوده

فيه روائح ثانيه نعناع و مدري ايش لكني افضل اللافندر دائما

 

Seagate, أوراق الزيتون بخاخ أنف، 1 أونصة سائلة (30 مل)

بخاخ للانف لحالات الحساسيه

باختصار : ر ا ئـ ع ،، مفعوله فوري و ممتاز جدا ، مافيه طعم مر اذا وصل حلقك ، علطول يخفف حالة تهيج الجيوب الأنفيه ، ممكن مفعوله مايطول يعني بعدها بكم ساعه تحتاجين تبخين مره ثانيه لكن مفعوله ممتااااز

و الأهم انه طبيعي ١٠٠٪ ، يعني مو مثل البخاخات الكيميائيه اللي تفاقم المشكله بالمستقبل

 

Tea Tree Therapy, كينا لتدليك الصدر، 2 أونصة (57 جم)

هذا بديل طبيعي للفكس

ريحه تجنن تجنن تجنن علطول تفتح الخشم و ماتبقي أثر لريحته ، تعرفين اذا بتطلعين دوام او شي و بعد ماتكونين حاطه فكس ماتبين تفوحين فكس بالمكان 😅

فـ هذا ريحته راائعه فيه زيت النعناع و الكينا ، اللي هم المكون الفعال في الفكس

و نفس مفعوله اذا مو أفضل

و طبيعي ١٠٠٪ لحالات الزكام و الكحه و الانفلونزا و غيره

صار معتمد عندي بالصيدليه المنزليه 👍

 

Nature's Gate, طبيعة الطفل (Nature Baby)، شامبو الطفل، 18 أوقية (532 مل)

شامبو الأطفال بدون مواد خطره و كيميائيه

معروف بشرة الأطفال هي اكثر شي تمتص المواد السامه من الجلد من كريمات او شامبوات

فـ هم اللي لازم نحرص عليهم أكثر أننا مانسخدم لهم ألا منتجات طبيعيه

هذا الشامبو ريحه جميله على بودره او مسك ، خفيف و يخلي شعرهم مرطب و ناعم و يلمع لأن فيه زيوت مثل زيت اللوز

أفضل شامبو جربته لهم

عبوته كبيره و سعره ممتاز

Shea Moisture, زبدة الشيا الخام، زيت تدليك للأطفال، 8 أونصة سائلة (236 مل)

زيت الجسم للأطفال

كل مكوناته طبيعيه و ريحته جميله جدا و ترطيب عالي فيه زبده الشيا و زيت الارقان و كثير زيوت غيره

ممتاز للبشره شديدة الجفاف لأن ترطيبه مره عالي

Real Purity,  مزيل رائحة العرق، 3 أونصة (89 مل)

مزيل عرق بمكونات طبيعيه تماما بدون كيماويات مضره و أمن للبشرات الحساسه و الحوامل و الصغار و للكل

جربت كثير مزيلات عرق طبيعيه من يوم دخلت بالصحه ، مو شوي ، كثير تقريبا اغلب الانواع مرت علي و اعطيتها حقها بالتجربه

اذا اخترتي مزيل عرق طبيعي مافيه مفعول ٢٤ ساعه مثل التجاري ، لازم يتجدد كل شوي ، يعني تقريبا كل ٤ ساعات و حولها

لكن هذا ، تفوق على كل اللي جربتهم ، مافيه ريحه عطر ( مااحب ريحة العطر بمزيلات العرق ) و خفيف جدا عالبشره مايسوي تحسس و غيره و حمايته ممتازه ، صار معتمد عندي و كلما خلص طلب جديد احسن منتج جربته 👍

Now Foods, زيوت عطرية، شجرة الشاي، فلوريدا 1 أوقية (30 مل)

زيت شجر الشاي الاساسي

ديتول الصحيين 😀 معقم لكل شي نحتاج نعقمه ، امن ١٠٠٪

للبيت للبشره للمفارش للملابس ، طبعا هو زيت اساسي مركز فـ يخفف بالماء مثلا و ينحط بالبخاخ لتعقيم الاسطح و الوسائد مثلا ، ينخلط مع اي كريم او زيت للجسم لتعقيمهاو للفطريات ، توضع كم قطره منه مع صابون الملابس للتعقيم و هكذا

Badger Company, زيت جوجوبا العشبي للشعر، روزميري و شجرة الشاي، 2 أوقية سائلة (59.1ملل)

زيت الجوجوبا للشعر و لترطيب فروة الرأس

يمه يمه يمه رييييحته 😭💙💙💙

تجنن تجنن ريحة سبا كذا عطريه عشبيه ، فيها روز ماري و لافندر تسوي ريلااااااكس و مساااج للراس و التفكير 💆 باين وش قد أنا مفتونه بالريحه ؟

طبعا للي تحب الروائح العشبيه بتعجبها ، فيه بريحة الرمان كذلك و فيه نوع ثاني اعتقد بدون ريحه

نتيجته ، رااااائعه ، مانشك بفعالية و روعة زيت الجوجوبا للشعر طبعا ، نتيجته من ناحية لمعه و تطوير الشعر و ترطيب لفروة الرأس ممتازه

يوضع قبل الشاور بساعه عالجذور ( هو مخصص لترطيب الجذور و خفيف مارح يسد لك المسام ) و بعدها يغسل

 

EcoTools, اسفنج وجه البشرة النقية، تنظيف العميق، 1 اسفنجه

اسفنجة تنظيف الوجه من الياف الخضار و الفحم

تنظيفها ناعم و لطيف جدا و عميق كذلك

سريعه جدا بازالة الميك اب و الرواسب ، بشرتي حساسه جدا و فكرة الكلاراسونيك و غيرها تهية لي بشرتي فـ هذا كان خيار مناسب جدا لي و ناسب بشرتي و مناسبه للاستخدام اليومي

Physician's Formula, Inc., Eye Booster, 2-في-1 قلم عيون معزز للرموش +مصل، بني داكن، .016 أوقية سائلة (0.5مل)

كحل سائل مع مصل لتطويل الرموش

امن و مافيه عطور وبارابين و مناسب للعيون الحساسه ، اشتريته عشان الاستخدام اليومي

جدا ممتاز استخدمه كحل و اعبي فيه الفراغات بالحواجب ، طول لي رموشي ٢٠٪ يمكن ، الاهم حافظ لي عليها من التساقط

و هدفي الرئيسي من شرائها اني ابي شي امن للاستخدام اليومي و يفيد بشرتي بدل مايضرها ، ثباته متوسط الى خفيف و لونه خفيف ، يزول بسرعه بالماء

لكنه منتج لابد يكون عندي بالبيت للدوام و الاستخدام اليومي الخفيف

 

NXN, Nurture by Nature, Beauty Sleep قناع ترطيب غير مرئي، للبشرة الجافة / الحساسة، 1 أوقية سائلة (30 مل)

قناع ليلي للترطيب و تغذية البشره

مكوناته جميله جدا و بدون كيماويات

لاحظت التغيير الايجابي ببشرتيو وبشكل سريع ماشاء الله من ناحية صفاء البشره و توحيد لونها ، و فكرته سهله جدا ، ينحط قبل النوم ، يغسل الصباح ، بدون بهذله و حوسه ماسكات 😁

 

 

 

أغذيه :

Prince of Peace, شاي أبيض عضوي 100%، 100 كيس، 1.8 غ كل منهم

الشااااي الأبيض 😍👏👏

سمي مدونتي

أكيد ماسميت مدونتي شاي أبيض ألا و أنه له معزه خاصه بقلبي

فائدته عظيمه جدا ١٠ أضعاف فوائد الشاي الأخضر

مضادات اكسده عجيبه و معادن ممتازه

طعمه عشبي خفيف ، مو مثل الشاي الاخضر مر ، و مو مثل الشاي الاحمر عطري

طبعا قصة الشاي الابيض : هي براعم الشي قبل ماتكبر ياخذونها و يجففونها ، فـ تكون مركزه بالفوائد

هذا البراند عضوي و سعره ممتاز

Yogi Tea, Skin DeTox Tea، 16 كيس شاي، 1,!2 أوقية (32ج)

شاي الديتوكس للبشره

فيه روز و انواع ازهار مفيده للبشره

مالاحظت نتائج خطيره ممتازه على بشرتي ،، لكن طعمه و ريحته ت ج ن ن 👌💕

عطررر من قلب ، من الشواهي اللي اشربها إذا بكافئ نفسي

نعم ، نوره البنت اللي مكافأتها كوب شاي بس 😄✋

Organic India, شاي زهرة الريحان للنوم، خال من الكافيين، 18 كيس ضخ، 1.14 أوقية (32.4 جرام)

شاي الريحان للنوم

لما اكون ابي اشرب شاي اخر الليل قبل النوم اصير ابي شي يسوي لي ريلاكس و يساعدني عالنوم و مافيه كافيين

هذا الخيار المثالي ، ممتاز و لذيذ و ريحته عطريه

مزيج من الريحان المقدس “كذا اسمه” و القرفه و اليانسون و بعض الاعشاب اللي تهدي و تساعد عالنوم

و معروف عن هذا النوع من الريحان يرفع مستويات الشاكرا لخلي ذهنك صافي

عموما من تجربتي ، مو الشاي اللي يخليك تناااامين ، لكن يخليك ريلاكس و نومك افضل

انصح فيه

Nutiva, زيت جوز هند عضوي، 15 أونصة (444 مللي)

زيت جوز الهند اللي تلاحظوني استخدمه بأغلب وصفاتي

غير أنه أمن يعتبر سوبر فود بعد فيه فيتاميات كثير

هذه افضل ماركه بالنسبه لي

Now Foods, Real Food،نكتار الصبار الأمريكي العضوي،خفيف،23.28 أوقية (660 غم)

شراب الأغاف يعتبر محلي طبيعي و آمن

ممتاز للطبخ و الحلويات طعمه حفيف و مافيه نكهه حاده

Now Foods, شراب القبقب العضوي الأصلي درجة أولى غامق من Real Food، 32 أوقية سوائل، (946 مل)

شراب القيقب

محلي طبيعي و سليم و ١٠٠٪ قيقب ، مو مثل اللي بالبقالات ١٥٪ قيقب

ممتاز مع البانكيك ، تستخدمينه بدل السكر

ممتاز لازم يكون بكل بيت ، غني بالفيتامينات كذلك

Wisdom Natural, SweetLeaf، مُحَلِّي إستيفيا الطبيعي،70 رزمة

سكر ستيفيا طبيعي و بدون اضافات و غير معالج

هذا هو النوع الآمن و ليس اللي بالبقالات

Bob's Red Mill, سكر جوز الهند العضوي، و 16 أوقية (453 غرام)

سكر جوز الهند

هذا بديل السكر المكرر الآمن ، طعمه اخف من السكر العادي و سكر الستيفيا

Rapunzel, حساء الخضار، 4.41 أونصة (125 غ)

هذا بديل للماجي اللي استخدمه

عباره عن خضار مجففه مثل البروكلي و الجزر و الثوم و البصل

يغني عن الماجي و يعطي نفس تأثيره

صايره بودره و ملعقه صغيييره منه تكفي

Frontier Natural Products, مسحوق صودا الخبز، 16 أوقية (453 غرام)

صودا الخبز او بيكينج صودا صافي

خالي من الألمنيوم و صافي

Edward & Sons, نشا التابيوكا العضوي، 6 أُونْصَة (170 جم)

نشاء التابيوكا

هذا اللي استخدمه بدل نشاء الذره المعدل وراثيا

مفيد جدا

Dagoba Organic Chocolate, مسحوق الكاكاو، 8 أوقية (226 غم)

الكاكاو النيئ

تذكرون بمقالة الكاكاو ذكرت فوائد الكاكاو النيئ الخارقه العلاجيه و أنه هذه الفوائد بالكاكاو النيئ مو المحمص

و هذا الكاكاو النيئ اللي استخدمه

Nature's Path, رقائق التراث العضوية، 13.25 أونصة (375 غ)

كورن فليكس يقمح الكاموت

المعروف بشكل عام انه كل انواع القمح دخلها التعديل الوراثي ألا الكاموت محتفظ بفوائده من سنين

ممتاز و صحي و طبيعي بدون كيماويات و سكريات مضره

 

Bob's Red Mill, ميوسلي أولد كانتري ستايل، 40 أونصة (1.13 كجم)

الموسلي

هو مزيج من الحبوب الكامله مثل الشوفان و السعير و المكسرات و الفواكه المجففه ، من الاشياء اللي كلما قرب بخلص لازم اشتري جديد

ممتاز مع الحليب الدافئ او اخلطه مع الكورن فليكس اللي استخدمه او فوق الزبادي اليوناني او مع السموثي ، مفيد جدا و لذيذ جدا

Bob's Red Mill, الحبوب الساخنة، رقائق الشعير، 16 أوقية (453 غرام)

رقائق الشعير

مطبوخه بالبخار و تستسخدم مثل استخدامات الشوفان

ارشها فوق السموثي او العصيده أو الزبادي او الكورن فليكس و غيره

Bob's Red Mill, لفائف الشوفان العضوية سريعة الطبخ, الحبة الكاملة, 32 أونصة (2 باوند) 907 غ

هذا نوع الشوفان اللي اخذه لعصيدة الشوفان أو باقي الوصفات اللي اسخدم فيها الشوفان ( اكتبوا شوفان في خانة البحث و تطلع لكم وصفات الشوفان اللي عملتها بمدونتي )

عضوي و كامل و سعره ممتاز 👍

Bob's Red Mill, نخالة الشوفان، الحبوب الساخنة، 40 أوقية (1134 غرام)

نخالة الشوفان

برأيي ترمم ماخربه الدقيق الأبيض

ممتازه لعلاج القولون

فيها كروميوم لتعديل مستويات السكر بالدم و الكوليسترول

Bob's Red Mill, دقيق الحبوب الكاملة العضوي، 22 أوقية (623 غم)

طحين الحنطه السوداء

جدا مفيد وو ممتاز مع البانكيك و الكيكات بدل البر

من مصادر المغنيسيوم الممتازه و البروتين

Cafix, جميع المشروبات الفورية الطبيعية كريستال، خال من الكافيين، 7.05 أونصة (200 غرام)

هذا بديل النسكافيه الصحي ، مصنوع من الشعير و الجاودار المحمص ، يمدحون بعد حق ارض الطبيعه لكن هذا جيد بعد

Justin's Nut Butter, مزيج من الشوكولاته وزبد البندق، 16 أوقية (454 غم)

نوتيلا صحي

١٠٠٪ بندق بدون زيوت و سكريات

ممتاز ، مو مثل طعم النوتيلا اكيد لأن نوتيلا عباره عن زيت و سكر

أقل حلاوه من النوتيلا وقوامه اثقل من النوتيلا و لذيذ جدا ، اطفالي حبوه و صرت احطه مع ساندويشات المدرسه كل يوم و انا مرتاحه انه بيغذيهم مارح يأذيهم

Peanut Butter & Co., زبدة فول سوداني ممزوجة مع الشوكولاتة الداكنة، أحلام الشوكولاتة الداكنة، 16 أونصة (454 غ)

هذا بينت بتر بالدارك تشوكليت

لذيذ جدا جدا و اعطيه بناتي على اساس نوتيلا و يصدقون بأنه فعليا ألذ من النوتيلا 😍

و عشاق البينتبتر بشكل عام بيزيد عشقهم مع هذا البراند

مكوناته نظيفه مثل ما أقول دايم 🙂✋

Bob's Red Mill, كينوا الحبوب الكاملة العضوية بثلاثة ألوان، 16 أونصة(453 غ)

الكينوا

الكينوا أنواع و ألوان لكن الفائده ماتفرق كثير

احب اخذ هذا النوع الملون

كميه كبيره و سعر ممتاز ، افضل من اللي عندنا و ماركة ريد ميل لايعلى عليها بالتأكيد

Now Foods, بذور يقطين خام، عضوية، غير مملحة، 12 أونصة (340 غ)

هذا بذور القرع المفيده جدا ، مليانه نحاس و حديد و بروتين عالي جدا

احطها مع السموثيات و فوق الشوفان او اي عصيده اسويها

Now Foods, مكمِّل Real Food الغذائي، من بذور نبات دوَّار الشمس الخام، غير مُملَّح، 16 أونصة (454 جم)

بذور دوار الشمس

مصدر ممتاز للنحاس

يستخدم مثل استخدامات البذور الأخرى

Aloha Bay, ملح بلوري من الهيمالايا، خشن، 18 أونصة (510 جم)

ملح الهمالايا

الأعلى فائده بين الأملاح

فيه معادن و فيتامينات عاليه و ترفع قلويه الجسم

مايلعب بالضغط بالعكس ممكن يساعد بعلاجه

صحي جدا جدا جدا اقروا عنه

Earth Circle Organics, بذور تشيا عضوية خام، 12 أونصة (340 غ)

هذه بذور الشيا الغنيه عن التعريف

ماارتاح اذا قرب يخلص لازم دايم دروجي مليانه منه

يعتبر سوبر فود و فيه اوميجا ثري و بروتين و الياف و مليان فيتامينات

احطه مع السموثي ، خلطات البانكيك ، فوق الزبادي مع الموسلي او الشوفان

ماله طعم و لا ريحه يعني وين ماتحطينها ماتبين

Garden of Eatin', رقائق تورتيلا الذرة، رقائق زرقاء، 8.1 أونصة (229 غ)

هذا بطاطس الذره البنفسجيه ، الذره البنفسجيه اكثر مضادات اكسده و مفيده

و هذا البطاطس من مفضلاتي مع الجواكامولي يااسلام 👌👌

مكوناته عباره عن ذره عضويه + ملح بحري + زيت  ، بس بدون مصنعات و مواد حافظه و ألوان

موجود بالتميمي لكن عند اي هيرب ارخص

Food Should Taste Good, رقائق التورتيلا الطبيعية كلياً، زيتون، 5.5 أوقية (156 غرام)

رقائق تورتيلا تشيبز بطعم الزيتون

مصنوع من الذره بس و الملح البحري و الزيتون

مالح و لذيذ و صحي و كميته كبيره ، أفضل سناك صحي و خفيف 👍

Food Should Taste Good, رقائق التورتيا الطبيعية تماماً، متعددة الحبوب، 5.5 أونصة (156 غرام)

هذا نفس اللي قبل بس فيه بذور الكتان و السمسم بذور دوار الشمس

يعني اكسترا فوائد مع المتعه

طعمه لذيذ جدا فوق ماهو صحي 👍

Alter Eco, شيكولاته عضوية، الكينوا السوداء، 2.82 أوقية 80 غرام)

حلاو دارك تشوكليت بالكينوا لذييييييذ جدا جدا جدا

مكوناته نظيفه و صحيه و مفيد و لذيذ ، هذا اذا شريته اعتبره كنز عندي جدا لذيذ

الكينوا اللي داخله مقرمش مثل منتفخات الارز اللي تجي بالحلويات مثل جالاكسي

منتجات اطفال :

Healthy Times, كوكيغرام القيقب العضوي، 5 أونصة (140 غرام)

هالبسكويت جدا اعجب أطفالي

نكهته مثل بسكويت الشاي القدييييم اللي كنا ناكله

طبعا الفرق انه مفيد جدا و مكوناته مفيده و فيها قيمه غذائيه عاليه ، فيه شوفان و اروروت و شعير و غيره من المكونات النظيفه

Plum Organics, Super Puffs, خضر عضوية, فاكهة & Grain Puffs, البنجر والفرولة، 1.5 أوقية (42 غ)

هذا منتفخات الأرز البني ، مع مجفف فراوله و شمندر يعني قيمه غذائيه عاليه

الأطفال حبوه كثير طعم الفراوله واضح مثل حلويات الفراوله و غيره

مناسب للأطفال من ٦ شهور و صاير صغير و سهل يمسكونه الأطفال الصغار و اول مايدخلونه فمهم بيذوب علطول ، يعني ماتخافون يختنق فيه او يغص

Plum Organics, فطائر فاخرة، نباتات عضوية، فطائر الحبوب والفواكه، التوت البري والبطاطا الحلوة البنفسجية، 1.5 أونصة (42 غ)

هذا نفس اللي فوق لكن نكهه ثانيه لذيذه ، البلوبيري و البطاطا الحلوه

طعمه مايل للحموضه اللذيذه

بصراحه اخواني الكبار خلصوه على بناتي 😁 ماشاء الله كان لذيذ

Nurture Inc. (Happy Baby), Organics، مخبوزات الأطعمة السوبر، خضراوات، فاكهة وحبوب، كيل وسبانخ، 2.1 أونصة (60 غ)

و هذا بالسبانخ و الكيل

متصورين كميه الفائده اللي بنحشرها بشكل شرير بسناك أطفالنا ؟ 🌚

طعمه مايل للملوحه ، نكهته خفيفه جدا و اعجب الأطفال الصغار اللي عمرهم سنه و تحت اكثر من الكبار ماحبوه

YumEarth, مصاصات عضوية لولي بوبس، +25 مصاصة، 6 أوقية (170 جم)

هذا اللولي بوب بدون سكر و مواد حافظه و ألوان ، مصنوع من عصاير طبيعيه و شراب القيقب

النكهات عجيبه مثل الشمندر و الجزر و التفاح و البلوبيري و غيره

لذيذه نكهاته و الحلو أنك تعطين أطفالك بالراحه و انتي تعرفين أنه بيغذيهم مارح يأذيهم

خصوصا انه المصاصات التجاريه اللي بالأسواق هي الاكبر ضرر بين الحلويات عباره عن سكر و ألوان صناعيه و مواد حافظه

هذا العكس ، كلو طبيعي ، عصاير طبيعيه و شراب قيقب بس

جميل جدا عند بناتي عيد اذا وصل كرتون اي هيرب و فيه هذا 😄❤

و هذه كانت اهم الاشياء الله احب اطلبها من اي هيرب و انصحكم فيها

دعواتكم لي 💕

43 thoughts on “مفضلاتي من اي هيرب .. المنتجات اللي كل مره ارجع اطلبها

  1. الله يسعد قلبك نورة؛ ملهمة للتغيير والتطوير!
    باْذن الله اتثقف وأصير واعية بالصحة واغيّر واتغيّر!

    مدونتك تفرح بأن كل شيء سهل وبسيط ولذيذ وصحي!
    الله يقدرني وأصير صحية سنعة ❤️❤️❤️🙏🏼☘🍀✅

  2. مدونه تستحق المتابعه والأجمل إن الكاتبه طرحها من واقع تجربه والشخص اللي يهديك تجربته تأكد إنه لم يصل للنتيجه الأفضل بدون خسارة وقت ومال
    شكرآ من الأعماق

  3. مثل ماوضحت بالتدوينه اذا زاد الرقم اللي عليه معناته مركز اكثر و فعال اسرع او للمشاكل الاكبر
    يعني ١٠ نقدر نستخدمه للجروع السطحيه و الحروق من الدرجه الخفيفه لأنه خفيف
    ٥٠٠ ممكن للانفلونزا و الجروح العميقه و غيره من المشاكل الاكبر لأنه اكثر تركيز

    البني بالعاده يكون مخلوط معاه احماض امينيه ، هذا شي ممتاز
    و طبيعه ايونات الفضه بدون لون و لا طعم لأنها بالاساس ماء

  4. موضوع يحمس قريته وعلى طول اليوم اللي بعده طلبت نص الأغراض اللي عندك 😃 كنت محتارة في بعض المنتجات لتعدد الشركات والأنواع بس وثقت باختياراتك وخبرتك. إن شاء الله يمديني أستثمرهم بشكل جميل ومستمر. شكرًا لك مدونة جميلة جدًا.

  5. مرحبا اختي
    سؤالي عن ايونات الفضه اشتريت من ايهيرب كذا نوع وتركيزات مختلفه وجاني واحد منهم ابيض شفاف بدون طعم ولا ريحه والثاني لونه بني بس بدون طعم ولا ريحه بعد
    انا بصراحه احترت ودي اعرف هل البني نفس مفعول الابيض وبالنسبه للتركيز ايش افضل تركيز لاني لقيت ١٠ و ٣٠ و ٥٠٠ و ١١٠٠ ماادري وش الافضل بينهم وكلهم مكتوب ايونات فضه نقيه ومقطره

  6. الله يسعدك وينور دربك 🌷 دايم احتار وش اطلب من ايهرب ريحتيني الله يريحك بالعافية🌷 بس مافي طريقة نقدر نزود فيها طلب المواد الغذائية من ايهرب🤔 الان صار المسموح خمسة انواع بس ونحتاج اكثر😩

  7. عادي مجرد ماتحطين الشمعه فيه رح تحصلين على فوائده عن طريق الجو
    بحط الابحاث بالسناب ان شاء الله اذا صار فيه فرصه لكن تقدرين انتي تبحثين كذلك

  8. السلام عليكم. مرحبا نورة. بخصوص حجر الهملايا قاعدة الشمعة كيف استعمله بالضبط؟ و ايش فايدته بالضبط واذا عندك روابط مواضيع تتحدث عنه اعطيني. ابغى اشوف الدراسات الي تمت عليه. وشكررا عيني.

  9. يجنن البوست و مفيد جداً جداً نفسي اطلبهم كلهم ، دايماً احتار ايش اطلب من ايهرب .. جزاك الله خير و ينور بصيرتك يارب

  10. الله يجزاك خير
    اذا فيه اغذيه قليلة او خالية من البروتين للاطفال. علميني عليها. عندي طفل مصاب بقصور في وظايف الكلى. وضروري يقل كمية البروتين في الطعام

  11. حبيبتي بسألك عن زيت النيم كيف طريقته لقرصات الباعوض و الأكزيما؟
    وهل يمكن استعمله اطفل عمره ثلاث شهور؟
    وجزاك الله خير

  12. السلام عليكم ورحمة الله ..

    صباح الخير نوره .. حابه اسأل عن شراب الصبار عندك فكرة اذا ينفع لكبار السن .. ؟

    جدتي تتعب من قولونها ومعدتها .. بس معاها سكر وضغط وقلب .. هل ممكن تستخدمه ؟

  13. يعطيك العافية 😋😋😋كل شي اشتهيته 😅،، حبيت افيدكم لتخفيض الشحن في اي هيرب شوفي مدونة لبنى السلطان كاتبة الطريقة لكني للحين ماجربتها 🙈

  14. انتي اروع شي في الحياة ،، قاعدة ابخث عن منتجات عضوية اخذها لعيالي خاصة ان عندي طفل توحد ومسوية له حمية ونا ابغى اعطيه اي شي يضره او يخرب حميته ،،، شكرا لله انك موجودة 😍😘

  15. مسى الخير والاحساس والطيبة
    مساآءٍ مايليق إلا بنونيتا 😍💙💙

    يختي شكراً شكراً شكراً

    جد شكراً

    والله قاعدة تنفعينا وتفيدينا الله ينفع بك وين ما تكونين 💜💚

    كنت أبا أسألج الشحن في الآيهيرب ينحسب من الموقع نفسه ؟؟ وإلا من شركة الشحن ؟؟ وإلا كل واحد يحسب واحنا ندفع 😓

    عبيييت السلة ولقيت السعر عالي جداً مش اللي توقعته

    فممكن تفيديني وأكون شاكرة 💐

    ً

  16. مسى الخير والاحساس والطيبة
    مساآءٍ مايليق إلا بنونيتا 😍💙💙

    يختي شكراً شكراً شكراً

    جد شكراً

    والله قاعدة تنفعينا وتفيدينا الله ينفع بك وين ما تكونين 💜💚

    كنت أبا أسألج الشحن في الآيهيرب ينحسب من الموقع نفسه ؟؟ وإلا من شركة الشحن ؟؟ وإلا كل واحد يحسب واحنا ندفع 😓

    عبيييت السلة ولقيت السعر عالي جداً مش اللي توقعته

    فممكن تفيديني وأكون شاكرة 💐

  17. حبيبتي نورة جزاك الله خير على الرد والتوضيح. اكتشفت ان الي عندي جل يعني مو بخاخ. هل ينفع احط منه جوا فمه؟ مايمديني اطلب جديد. تطعيمته قرب وقتها
    الله يفرج لك ويعافيك

  18. تبخين ٣ بخات بفمه ٣ مرات باليوم ، و بعد التطعيم تبخينه على مكان الابره بعد مايتطعم علطول

  19. لو سمحت يانورة. بخصوص بخاخ الفضة اشتريت وابغى استعمله لرضيعي بعمر 6اشهر قبل التطعيمة. كيف طريقة الاستعمال الله يجزاك خير

  20. اجمل و افيد بوست شفتو بحياتي من جد تسلم يدك نورة على مواضيع مفيدة زي كذا 😍 💖 أي هيرب اكثر موقع نفسي اطلب منه بس كل ما ادخل احتار ايش 👀

  21. بالنسبة لـ peanut butter اللي وضعتي صورته أنا أشتري هالبراند من هنا الدانوب بس مكتوب ضمن المكونات (زيت النخيل وسكر القصب المبخر) مو خالي من السكر والدهون مثل ماذكرتي فما اعرف مدى أمان هالمكونات للصحة لأن سمعة زيت النخيل مو كويسه.

  22. الله يسعدك ويديم عليك الصحه والعافيه والسعاده الدائمه .. انا كنت من عشاق آي هيرب ودايما اطلب منه بس الحين حطو شروط صعبه ومعقده جداا ومااقدر اطلب اكثر من خمس منتجات والشحن صار غالي 😭😭😭😭😭😭😭

  23. ماشاءالله الله يبارك لك جداً مدونتك مفيييييده الا مالا نهايه استمري وافيدينا واكسبي اجرنا 👏🏻
    خاصةً هالبوست دايم احتار اش اخذ منتجات وانتي اعطيتيني البدايه ربي يسعدك ويسخرلك خلقه❤️

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *