حليب اللوز و جبن اللوز النباتي

 

 

اول شي ليش دمجت يومين ؟ لأنها وصفتين حقت يومين و كل وحده مرتبطه بالثانيه فـ مالو داعي أأجل يوم ثاني عشان الوصفه الثانيه خلينا ندمجها مره وحده ☺

اعتقد من اكثر الوصفات اللي تحبونها هي بدائل الأجبان

و انا مسويه من قبل بديلين موجوده في تصنيف ” بدائل ” فوق ?

طيب اليوم مارح اقول مكونات و طريقه و كذا لأنها سهله و مايبيلها شي

فقط لوز + ماء

للحليب /

ننقع اللوز طول الليل ، في الصباح تنخلص من ماء النقع لأن حمض الفايتيك اسيد ذاب فيه ، نضيف ماء جديد ( ربع الخلاط لوز و تعبين الباقي ماء ، هذه حسبتي وحسب حجم خلاطك )

و نخلط ، و بيصير عندنا الحليب ، نصفيه بالصفايه او قطعة قماش و بيصير عندنا ألذ حليب لوز ، ممكن ضافة تمر او قرفه معه بيصير جدا لذيذ

الحين اللي صفيناه إيش نسوي فيه ؟

الجبن /

  1. نحطه عالنار مع مقدار فنجال ماء

  2. نضيف 1 م ك نشاء

  3. نضيف رشة كركم ليعطينا صفار الجبن و فائده جباره كونه يقوي المناعه و يرفع النحاس

  4. نضيف اي بهارات حابين : ملح ، فلفل ، زعتر ، اعشاب ، بابريكا ، بودرة ثوم ،، اللي حابين

  5. نخليه على نار وسط مع التحريك المستمر حتى يصبح قوامه متجانس اكثر و ثقيل

  6. نحطه بالخلاط و نخلط مع اضافة الماء اذا احتاج

و بكذا يصير عندنا الذ جبنه نباتيه ، و #تغذي_ما_تأذي

تستخدم مثل استخدامات الاجبان

2 thoughts on “حليب اللوز و جبن اللوز النباتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.