مربى التين

 

أول ماتشوف التين علطول تنذكر ( و التين و الزيتون )

يعني شي عظيم جدا أنه ربي سبحانه يقسم بشي ألا و أنه له شأن كبير

التين له فوائد عظيمه جدا و ضغطة زر بجوجل توريكم كل فوائده ?

أحب أقعد أتأمل الصوره الفنيه اللي داخل ثمرة التين ، صدق إذا تأملتوها مارح تشبعون من جمالها و جمال تدرجات الوانها من داخل كيف ?

صورة ذات صلة

المهم مثل ماتعرفون اذا صار موسم فاكهه احب اسوي فيها المربى

لأنها تكون متوفره بكثره + رخيصه + صحيه + نبغا نستغلها بكل شي

يالله نشوف طريقتها السهله

المكونات /

  • الكميه اللي حابين من التين

  • 3 م ك سكر جوز هند او سكر غير مكرر

  • بهارات عطريه مثل اليانسون و القرنفل ، كمية بسيطه جدا

الطريقه /

  1. نقطع التين بشكل عشوائي

  2. نخلط التين و السكر بقدر

  3. نشغل نار حاميه و نحاول نهرس التين شوي

  4. نضيف البهارات

  5. نغطيه و نخليه 15 دقيقه على نار وسط

  6. كل شوي نحاول نهرسه بالملعقه الخشب

  7. ممكن وضعه بالخلاط اذا حابين قوامه ناعم و ممكن تقديمه علطول

  8. يحفظ في برطمان نظيف مدة اسبوع بالثلاجه

عوافي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.