توست الموز و الفراوله بزبدة الفول السوداني المنزليه

مرحب

اليوم سويت معكم زبدة الفول السوداني بالبيت و كانت سهله و صحيه جدا

اول شي ليش نسويه بالبيت و مانشتري الجاهز ؟ لأنه التجاري اللي بالبقالات فيه دهون مهدرجه و اللي تسبب امراض الكوليسترول و الضغط و انسداد الشرايين و فيه سكريات مكرره اللي هي السبب الرئيسي لأمراض السكر و هذا غير المواد الحافظه و جودة الفول السوداني الرديئه فيه ،، مايسوى علينا صح ?

و احنا مانحتاج ألا (للفول السوداني ) عشان يصير عندنا زبدة فول سوداني لذيذه مانحتاج اضافات كثير

و ماننسا فوائده الجباره من دهون مفيده و فيتامينات و بروتين

و توست الموز من الاشياء اللذيذه و اللي بيحبونها الاطفال و الكبار بدون استثناء خصوصا مع البينت بتر

المكونات /

  • 1ك فول سوداني

  • رشة ملح

  • 2 م زيت جوز الهند عند الحاجه

  • النكهات اللي حابينها مع الزبده ( دارك تشوكليت ، عسل ، قيقب ، قرفه )

الطريقه /

  1. يحمص ربع كمية الفول السوداني ثم يوضع مع باقي الكميه بالخلاط او محضرة الطعام

  2. يضاف الملح و المنكهات الطبيعيه و يخلط

  3. يحرك ثم يخلط مره أخرى حتى الحصول على القوام اللي حابينه اذا ناعم او خشن

  4. اذا ماتحرك الخليط كويس يضاف الزيت

  5. يدهن بالتوست مع شرائح الموز و الفراوله و رشة بذور الشيا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *