جبنة المكاديميا

مرحبا

يوم تكلمت عن المكاديميا بالسناب كثير استغربوا من هالاسم ماتوقعت كثير مايعرفونها ?

هي نوع من المكسرات الاستراليه ، حجمه دائري كبير طعمه قريب من اممم البندق شووي ، شوي بس

و يعتبر نادر و غالي تقريبا

فـ أنا اروح لمحل المكسرات و أقول له عطني بالسعر اللي ابي ( أبي بـ 20 ريال اقول له عطي بهالسعر ، أبي بـ 30 40 أنا احدد السعر مو الكيلو عشان ماأنصدم بالاخير ? )

المكاديميا لها فوائد كبيره مثل فوائد باقي المكسرات ، للدم و القلب و صحة البشره و الشعر

يعني بدل ماناكل جبنه تطيح شعورنا و تطلع حبوب ببشرتنا و تزيد احتمالية الجلطات و الكوليسترول و هشاشة العظام و تراكم الكالسيوم بأجسامنا

ليش مانعمل جبنه تعالج لنا كل هالاشياء بدل ماتعدمها

ومع اضافة الكركم ماننسا الفوائد العلاجيه اللي اضفناها له ، و بعد اضفته عشان اللون ، ليخدعنا كأنه جبنة تشيدر و هو افضل من التشيدر ?

و بالتأكيد طعمها لذيذ جدا جدا جدا ماشاء الله ماتتصورون كيف

عاد أنا ماآنقل لكم ألا الوصفات الضابطه و اللذيذه من الأشياء الصحيه ??

كانت تجربه ممتعه أني سويته و استمتعنا جدا بالطعم اللذيذ و الأكيد أني بسويها كل مره بإذن الله

المكونات /

  • 1 ك مكاديميا نيئه

  • فص ثوم

  • 1 م ص كركم

  • ملح و فلفل

  • عصرة ليمون

  • 2 م ك ماء ( ممكن نحتاج نزيد اذا حسينا القوام ثقيل )

  • 1 م ك خل تفاح ( مايبين طعمه بس عشان يوازن الحموضه )

الطريقه /

  1. ينقع المكاديميا مده فوق 4 ساعات بالماء ثم يصفى

  2. توضع جميع المكونات بالخلاط حتى نحصل عالقوام للي نبيه

  3. يقدم مع التوست او مع الطبخ في الباستا مثلا و يستخدم مثل استخدامات الاجبان المعتاده

عوافي ياأبطال

9 thoughts on “جبنة المكاديميا

  1. روعه كل وصفاتك روعه ماشاءالله تبارك الرحمن مشكوره وبجرب كل وصفاتك باذن الله وجزاج الله خيررررر?????❤️❤️

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.