ساندويش جبن الكاجو

ادخلوا هذا الرابط فيه فديو للطريقه 

 

اعاده ثانيه لجبن الكاجو اللي سويته قبل هنا <

و ليش نحتاج بديل ؟ لأن اضرار الاجبان كثيره و كارثيه و مو محصوره عالسمنه بس ،، شوفوا مقالتي هنا تكلمت بالتفصيل عن هالشي

اليوم سويته بتصوير احسن و تفصيل افضل و بالفديو اللي بالرابط فوق

من بين بدائل الاجبان الي سويتها هذا كان ألذهم ، سويوته لأهلي و خلصوه بنفس اليوم ماشاء الله ?

حلو مع الساندويش مثل ماسويت اليوم

مع الطبخ مثلا بالمكرونه بعد ماتسوين صلصته تضيفينه بيصير كريمي لذيذ

و مع النواشف او البسكويت او الشابوره

باختصار بديل أمن جدا و سليم و لذيذ جدا

جبنة الكاجو /

  • كاجو نيء منقوع طول الليل ، نتخلص من الماء و نحطه بالخلاط او محضرة الطعام مع ملعقة ملح و عصرة ليمون حسب الذوق و نخلط و نحركه كل شوي

  • نكوره و ندحرجه بزعتر او سماق او اللي حابين و نضعه في برطمان و نغمره بزيت الزيتون و عالثلاجه مدة اسبوعين او اقل

  • ممكن يحفظ بعلبه قزاز بدون زعتر و سماق فقط يرش الوجه بشوي زيت زيتون ، وقتها بيكون مناسب للحلويات مثل التشيزكيك

الساندويش /

  • خبز بطحين الجاودار من مخبز

  • دهنته بجنة الكاجو

  • اضفت شرائح طماطم

  • فليفله

  • بيض مسلوق

  • رشة ملح و فلفل و بابريكا

صحه و هنا و أتمنى تنشرون رابط الفديو لكل اللي يعز عليكم عشان يعرفون انه فيه بدائل سليمه اكثر للاجبان

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.