حمسة الفاصوليا البيضاء و الكوسا السريعه

 

ياهلا

مثل ماتشوفون قاعده انوع بأطباقي ، يوم خفيف يوم ثقيل يوم حق نفر يوم حق عائله

اليوم حبينا نغير شوي عن الفول او العدس ، و نسوي حمسه بالفاصوليا ، و طبعا دايم ابي اعطيكم طبق جديد مو منقول و معروف ، أو أني اغير بالمعروف شوي

اي حمسه عباره عن : احمسي بصل و ثوم و بهارات و حطي الفاصوليا و صلصلة طماطم و بس ، هذا ممكن و فاتراح حلو

اليوم طبقنا اسرع من كذا ، لأن دايم بوجبة الفطور نكون مستعجلين و ماعندنا وقت طويل ننتظر فيه الاكل يخلص و أو انه اللي تطبخ تكون توها قايمه من النوم و مافيها حيل تحوس كثير

و بالتأكيد دخلت الفاصوليا عشان يكون متكامل اكثر و نكون اخذنا حصتنا كفايه من الخضره + الكوسا ثمره مفيده جدا جدا لكنها مظلومه شوي بأكلنا و مافيها ابتكارات كثير غير المحشي

الطعم بالتأكيد لذيذ و الكل بيحبه

و ينفع يكون غداء بعد اذا انحط مع الرز

المكونات /

  • فاصوليا بيضاء مطبوخه مسبقا او معلبه و منقوعه نصف ساعه ( أو اي نوع فاصوليا )

  • بصله

  • طماطم

  • 2 كوسا

  • كزبره بهاراتنا اللي نحب

الطريقه /

  1. نحط المقادير و نخلطها و عالفرن نصف ساعه أو أقل

يقدم مع الخبز و النواشف و عافيه

One thought on “حمسة الفاصوليا البيضاء و الكوسا السريعه

  1. كنت جوعانة جدا ومحتارة أيش آكل وطرى علي أبحث في مدونتك كون عندي كوسا وعندي فاصوليا مطبوخة ومفرزنة
    وسويت هالحمسة اللذيذة .. كل الشكر نورة❤️

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.