الشوفان بأنواعه و طريقة طبخه

السلام عليكم و الرحمه

و صباحكم صحه و نشاط

اليوم حبيت اعلمكم طريقة الشوفان بالتفصيل عشان تكونون بالصوره لأن للحين فيه ناس مايعرفون طريقة طبخه

طبعا الشوفان نحرص ناخذه كامل ( whole grain )

أما الشوفان الأبيض او الكويكر مايعتبر كامل القيمه الغذائيه

و الشوفان من الأشياء اللي نحاول قد مانقدر ناخذها عضويه لأنها تتأثر كثير بالكيماوي و المبيدات

عصيدة الشوفان من الوجبات المثاليه جدا جدا للفطور ، فيها كالسيوم مغنيسيوم فسفور و ممتازه للمعده و القولون و الجهاز الهضمي

و طبخها سهل و سريع جدا مو مثل ما البعض متخيل

 

/ المكونات

  • ثلاث ارباع ك شوفان
  • ك 1 ماء
  • م ك أي محلي طبيعي عندك ( استخدمت سكر جوز الهند )
  • ربع ك حليب نباتي ( استخدمت الصويا )

/ خيارات التغطيه

  • فواكه مجففه
  • عسل او شراب قيقب
  • فواكه بأنواعها
  • بذور
  • مكسرات
  • جوز هند مبشور

/ الطريقه

  1. نغلي الماء و المحلي
  2. اذا بدا يغلي نضيف الشوفان و نقصر النار
  3. نحركه و نخليه 10 دقائق أو أقل
  4. اذا بدا يثقل قوامه نضيف الحليب و نخليه على نار هاديه مدة دقيقتين
  5. يزين بالفواكه و المكسرات و يقدم

 

عوافي ياأبطال

6 Comments

  1. ممكن تعطينا اسم الشركة المصنعه لبعض البدائل مثل السكر من وين نحصل علي بديل ءامن واسم المنتج والملح وهكذا.. وشكرا

  2. اممم نقدر نقول طريقة طبخه بعدة اشكال
    مافيه انواع للشوفان هو واحد
    لكن فيه اشكال لتقطيعه ، شي مجروش و هذا بيحتاج طبخ اكثر ، شي حباته كبيره و شي صغيره ، لكن كلهم تطبخ بنفس الطرق اللس حطيتها
    فيه نوع نادر نلقاه وهو حبة الشوفان الكامله مثل القمح ، هذه تحتاج نقع و طبخ بالساعات فـ أشوف انه من غير العملي استهلاكها بينما عندنا الانواع المضغوطه و المقطعه

  3. السلام عليكم ورحمة الله وبركاته
    جزاك الله كل خير اختي على كل معلومة استفدت واستفاد منها متابعينك،
    اختي عنوان الموضوع مختلف عن مضمونة دخلت على أساس افرق بين أنواع الشوفان وطريقة طبخ كل نوع لكن الموجود فقط نوع واحد واللي اعرفة الشوفان أنواع ” صححي لي المعلومة ان كانت خطأ ”
    لكن استفدت بطريقة طبخ الشوفان لاني بالعادة ما اطبخة انقعة في الحليب أو الماى ليلة كاملة وبعدين اسخنة بالمكروويف واضيف علية اللي ابية
    جزاك الله كل خير

Leave a Comment

This site uses Akismet to reduce spam. Learn how your comment data is processed.