حمسة الحمص النباتيه

4

مرحب

مع اني احب الطبخ كثر و أعده نوع من أنواع الفن لكني من الناس اللي ماأحب اقعد كثر بالمطبخ ، احس مضيعة وقت ?

و أؤمن بأني اقدر بوقت قصير بالمطبخ اني اطلع بطبق لذيذ جدا و مغذي احسن من لو اني اقعد بالساعات بالمطبخ

8_fotor

ميزة طبقنا اليوم انه سريع جدا

و بعتبر بديل لحمسة اللحم المفروم او الدجاج

لذيذ جدا مع الرز ، أو فوق السباغيتي او المكرونه ، أو مع البطاطس المهروس مثل ماسويت اليوم

6

و أقل من نص ساعه و انتي مسويه لنفسك أو لعائلتك طبق مليان قيم غذائيه و لذيذ جدا

بالنسبه للحمص ، اشتريه ناشف و اطبخ كل الكميه يقدر الضغط و بعدين احطه بعلبه و عالفريزر ، يصير اخذ الكميه اللي ابي وقت الحاجه

و اذا ماتوفر ألا المعلب ، نحاول ناخذ الانواع اللي معلبه بقزاز او كرتون و ننقعها نص إلى ربع ساعه عشان تطلع المواد الحافظه ، و مع الطبخ بعد بتطير المواد الحافظه

3

خلونا نروح للمقادير /

  • بصله مفرومه
  • م زيت ريتون
  • حبة طماطم كبيره مفرومه
  • كزبره مفرومه
  • علبة معجون طماطم
  • كوب او اكثر حمص مسلوق سابقا ( أو معلب لكن معلب بعلب قزاز او كرتون ، و منقوع بالماء ربع ساعه عشان تطلع منه المواد الحافظه )
  • بهاراتنا اللي نحب ( حطيت كركم ، بهار مخلوط ، بابريكا ، زعتر ، كمون ، كزبره )

1

الطريقه /

على نار وسط نضيف زيت الزيتون في مقلاة كبيره ثم نضيف البصل و نحركه لمدة دقيقتين ، ثم نضيف البهارات و الطماطم ، و نخليه يتسبك لـ 5 دقائق على نار وسط إلى هاديه

ثم نضيف معجون الطماطم و الحمص و م شووي ماء ، و نغطيه و نخليه 10 دقائق ثم يقدم

بالعافيه ?

3 thoughts on “حمسة الحمص النباتيه

  1. أبشرك.. طبقت الوصفة..?

    و كانت حلوه.. لكن المره الجاية أتوقع أبستغني عن صلصلة الطماطم عشان أخفف الحموضة شوي..

    و قدمت معها المكرونة البنية

    و الحمد لله ولدي الكبير حبها?

  2. واو?
    مررره سهل
    مع إني قد تصفحت المدونة أكثر من مره، توني أشوف الوصفة هذي?

    أتوقع ممكن نفرم الجميع في الأخير إذا الصغار بيدققون

    أبطبقها إن شاء الله بكره?

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.