بانكيك الشمندر

1

اوكي .. ادري صدمه شمندر ! بالبانكيك ! ?

استخداماتنا لهذه الخضره العجيبه اللي نحتاجها كل يوم ” الشمندر” محدوده جدا ، يا بسلطة الشمندر ” اللي شمندر و بقدونس ” و لا بمتبل الشمندر ، و اذا مره بغينا نغير حطيناه بالسموثي < شوفوا سموثي الشمندر اللي سويته هنا

قلت ليش مانغير و نضيفه لشيء غير المعتاد ، ندحشه بالأكل غصب عشان ناكله و نستفيد من فوائده ?

2

مفيد جدا للي فيهم نقص دم و لامراض القلب و للاطفال و كبار السن و ممتاز جدا للرياضيين ، لأنه يساعد على نقل الاكسجين للعضلات و يخليها تشتغل احسن فتكون افضل شي لوجبة قبل التمرين

من الحين اقول ? طعمه بالبانكيك طلع لذيذ جدا ، الوصف اللي طلع معي يوم ذقته : طعم فخم ! ?

مدري ليش حسيت أني بفندق 5 نجوم بفرنسا و قاعده اكل اكل ناس فخمين لحد يضحك علي اوكي ترا بيجيكم نفس الشعور متأكده  ??

3

طبعا المفروض يكون لونه وردي اكثر لكن الظاهر اني كثرت شمندر وقللت حليب ، ان شاء الله يطلع معكم لون وردي جميل ، وروني تطبيقاتكم بالسناب

4 5 6

نروح لوصفتنا

المقادير /

  • 2 حبه شمندر صغيره مقشره و مطبوخه ( بالفرن او مسلوقه او بالبخار )
  • 1 ك حليب لوز ( أو اي حليب نباتي )
  • 2 بيض ( أو ملعقتين بذور كتان مطحونه منقوعه بنص ك ماء لمدة دقائق )
  • 2 م ك زيت جوز هند ( أو زبده ماعز طبيعيه )
  • 1 م ك زبادي يوناني
  • فانيلا
  • رشة ملح
  • 1 ك دقيق بر كامل
  • نص ك طحين الكاموت ( أو الدخن أو الشعير أو الشوفان )
  • 1 م ص بيكينج باودر
  • 1 م ص بيكينج صودا
  • 3 م ك سكر جوز هند ( أو عسل أو شراب قيقب أو اغاف )

الطريقه /

  1. نخلط الشمندر المطبوخ مع الحليب بالخلاط ، ثم نضيف البيض أو الكتان و الزيت و الزبادي و نخلطهم
  2. نجمع المقادير الناشفه و و نضيف لها المقادير السائله و نخلط لحط مايمتزج الخليط
  3. نسخن الصاج او المقلاه على حراره وسط و نصب الخليط
  4. نخليه مده دقيقتين على الوجه الاول ثم نقلبه و نخليه 4 دقائق أو لحد مايطبخ

زينته بجبنة الكاجو الغير مملحه و العسل

ملاحظه / اذا بدلتوا البيض بالكتان احتمال يصير رطب من داخل ، معليش هي كذا النتيجه تبع الكتان

8

عوافي ?

3 thoughts on “بانكيك الشمندر

  1. الله يعطيكي العافيه على مجهودك الجبار
    والله يوفقك والي الامام
    بس سؤال ماهو الفرق بين لبن الماعز ولبن البقر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.